Video
Read full review
2018-10-22
668 views
想食好耐，終於都(捨得)食到omakase了👏🏻🤩🎊🎉今次去到大坑壽司藝食，大坑呢個地方第一次入黎，雖然貼近銅鑼灣，但又估唔到呢度係咁清幽靜謐💆🏼♀💆🏼♀呢間都係有朋友推介至知道🤙🏻🤙🏻呢度有三個價格位omakase，我就揀中價位，有齊哂刺身同壽司食，總共有🤔🤔總之食到一定夠飽😋咁開始講喇喂，Let’s go!!😎前菜：北海道生蠔+白子+炸蟹仔 首先食咗個白子先，其實我事先都知白子係咩黎，食落去就食到啲腥味🤭但又好滑溜，呢樣真係試完就算😆跟著就食外型好似擺設咁既炸蟹仔，咁就抱著懷疑既心一啖咬落去＂咔嚓＂隻蟹仔炸到好香脆，而且仲可以見到有啲蟹膏喺入面😳😳好味，最後就食呢個巨型珍寶生蠔，唔係誇張，佢有我手掌✋🏻咁大，啖啖都係鮮甜味，加埋佢個酸汁，食多隻都唔會膩😋👍🏻刺身（1）：左口魚薄片+魚邊作為第一款既刺身，就基本一定係要淡味啲🤓，左口魚刺身比較少食，通常鐘意火炙食，呢款要點啲酸汁一齊，可以感受番左囗魚既本身質感，有咬口不過始終冇火炙咁吸引我刺身（2）：赤貝呢樣同之前既左口魚係完全兩個極端，佢非常爽脆，食得好過癮，而且會越食越有個甜味出黎😛刺身（3）：牡丹蝦呢個我不嬲都鐘意食，Fav
前菜：北海道生蠔+白子+炸蟹仔
前菜：北海道生蠔+白子+炸蟹仔
34 views
0 likes
0 comments
首先食咗個白子先，其實我事先都知白子係咩黎，食落去就食到啲腥味🤭但又好滑溜，呢樣真係試完就算😆跟著就食外型好似擺設咁既炸蟹仔，咁就抱著懷疑既心一啖咬落去＂咔嚓＂隻蟹仔炸到好香脆，而且仲可以見到有啲蟹膏喺入面😳😳好味，最後就食呢個巨型珍寶生蠔，唔係誇張，佢有我手掌✋🏻咁大，啖啖都係鮮甜味，加埋佢個酸汁，食多隻都唔會膩😋👍🏻
刺身（1）：左口魚薄片+魚邊
作為第一款既刺身，就基本一定係要淡味啲🤓，左口魚刺身比較少食，
通常鐘意火炙食，呢款要點啲酸汁一齊，可以感受番左囗魚既本身質感，
有咬口不過始終冇火炙咁吸引我
刺身（2）：赤貝
呢樣同之前既左口魚係完全兩個極端，佢非常爽脆，食得好過癮，而且會越食越有個甜味出黎😛
刺身（3）：牡丹蝦
呢個我不嬲都鐘意食，Favorite Top 3，食過既人都知，
呢隻蝦十分甜美，口感軟糯，簡直冇得彈
個蝦頭比師傅攞去炸黎食，又係另一種風味，成個蝦頭都可以食哂😋😋
刺身（4）：深海池魚
其實我真係唔係太識食呢啲白身既魚，都唔太食得出佢本身既味，
只能夠講番句，師傅切得好精細，
我以為得一塊，點知一夾先知係兩塊黎，唔夾上嚟都搵唔到個切口喺邊🤣👍🏻
熱食（1）：北海道蒸毛蟹
呢個之前睇其他食評已經非常想食，見師傅細心擺設，我隻👀都一直望住佢，到終於食到真係太開心了😆
而佢不負我所望，好有蟹肉啲鮮甜味，再加上自製既蟹湯蟹醋啫喱，
用蟹肉本身既熱力慢慢將佢融化，真係好amazing 😭😭
之後就個蕃茄過吓場，完全唔駛加任何野，就已經好食 Simple is good😋
熱食（2）：燒拖羅
呢樣我真係唔需要好講，好多人都讚不絕口，而家食到，完全體會哂大家既感覺，每一啖都有幸福既感覺👼🏼👼🏼
真係難以形容佢有好，一世難忘👍🏻👍🏻👍🏻
熱食（3）：燒魚鮫
呢個位唔係我食開啲位，不過呢個燒得好香，但啲魚肉仲係moisture，感受到佢啲魚油豐富🤤，而且冇細骨，非常易食
壽司（1）：帶子
師傅手勢了得，握出黎啲壽司好正，完全fit哂擺落口，帶子一如以往咁好食，作為第一款壽司，開咗個靚頭先👍🏻😋
壽司（2）：平政魚
呢隻魚我第一次食，都冇太大印象了😳😳
壽司（3）：針魚
師傅話呢款比較腥，所以會加啲薑蓉上面，食落充滿薑既香味，但略為有啲霸道，而且針魚口感同其他魚唔同，佢係帶啲爽口
壽司（4）：拖羅
拖羅再次出動了，呢次食生的，結果都係一樣，入口即融，可以唱句＂就這樣被你征服＂😜😜😜
壽司（5）：海膽
簡單講句，「色澤金黃，入口即融，鮮甜並存，餘韻甘香」，而且份量十足
手卷（1）：拖羅蓉
見住師傅將一塊拖羅挑晒啲筋再打成蓉，再加咗啲薑同芝麻，紫菜又夠脆，好夾
最後就飲埋個足料既海膽海鮮湯同濃郁既蜜桃茶奶凍，呢件事就都已經圓滿結束🔚了
食完今餐之後，真係令我覺得要努力返工，就可以有錢再食過了😤😤
Post
