曦

Open Now

Now Closed

環境5分：炮台山日本餐廳，地舖一眼望哂個壽司吧，十個吧檯位都對住兩個師傅整野食，真係好享受同興奮，畀五分。衛生5分：地方好乾淨光猛同衛生，一樣畀五分。服務5分： 師傅非常專業，續樣海鮮慢慢切同調味之後，上枱時再詳細介紹。樓面只有一個服務員，但都好好招呼，不斷加熱茶，效率高，服務滿分。味道5分：（㬢Omakase：HK$1,800/位）1) 咸漬物有蘿蔔，牛蒡，同淮山，全部都好開胃，見你食完又會添加畀你。2) 蒸蛋非常嫩滑，熱辣辣，入面有松葉蟹，帶子，蝦，同瑤柱，好甜。3) 真鯛薄切中間夾住馬糞海膽，口感一流，加埋Ｄ紫蘇花好香。4) 沙甸魚非常肥美，同芽蔥捲埋一圈非常特別。5) 季節鳥貝非常爽甜，不用點任何醬汁，淨食本身嘅鮮味。6) 原隻馬糞海膽放响枱面，用匙羹大大啖咁食，非常豪邁。7) 螢光魷魚通常都係凍食，燒過之後魷魚味特別出，同埋有一陣好香嘅味道。8) 象拔蚌非常爽甜。9) 間八魚非常鮮甜，厚度切得啱啱好。10) 份量多嘅池魚連長蔥，麵豉，辣椒等切碎，用紫菜包住嚟食，當你食完紫菜，師傅就會畀多一塊你。11) 響螺放响壽司枱非常特別，食落非常爽甜。12) 大拖羅對上少少個位，熟成左幾