褔村日本料理鐵板燒 (Closed)

今日同事要走，緊係即係搵間好野食下野傾下偈喇，係openrice搵左一陣，最終決定去呢間離公司最近嘅餐廳，一入到舖頭就發現真係好有日本本土料理店嘅感覺，地方夠晒大嘅同時，員工又夠晒親切。日本菠菜沙律菠菜好鮮甜，即使份量不大，但係為成餐飯起左個好嘅開始。什錦刺身拼盆成個刺身拼盆裡面有螢光魷魚，帶子，拖羅，油甘魚。螢光魷魚刺身係季節性供應嘅只有呢個季節先有得供應，入口比平時普通日本料理店嘅更有口感，味道更鮮美，另外令我最深刻嘅係拖羅，拖羅入口即溶，又唔會有根，而且味道又夠濃鐵板燒活龍蝦龍蝦肉燒得岩岩好，入口有勁道又唔會咬唔開，雖然唔係即刻係我面前燒，但入口時仍然係熱辣辣特式天婦羅天婦羅入口粉唔算厚，熱辣辣又脆身係呢個天婦羅俾我嘅第一感覺，粉入面嘅蝦依然保持嫩滑，比平時食到嘅天婦罹好太多喇~~~日式煮牛舌牛舌係我其中一樣最鐘意嘅野食之一，牛舌入口好嫩滑，餐廳配埋個汁令牛舌更惹味，真係我食個嘅牛舌比較好壽司三點（海膽，赤身，吞拿魚蓉）海膽壽司入口甜美，飯量適中，海膽唔會苦夠晒滑。吞拿魚蓉壽司入口調味岩岩好，而且夠晒順滑，一啖食落肚，真係幸福赤身壽司肉質嫩滑，魚味十足，沾埋小小豉油就更完美了~~