鮨芸館 (Closed)

昨晚見完客直接收工，係荔枝角工廠區，都冇諗住有野食，點知突然行過有棟好潮嘅工廈改裝變左商場及餐廳。我就睇下水牌，見到有間叫鮨「芸」館，唔係讀「雲」，係讀「藝」！我就上去睇下。侍應極速地出來問我要食散叫定廚師推介「Omakase」，我就好奇問咩叫廚師推介？侍應就話廚師會為你設計一套餐單，由佢決定我食乜。收工邊會想諗野，所以就諗都唔諗就叫Omakase。每款壽司只有一粒，款款不同，有十幾種。當我食到北寄貝時，我就諗住我本身我都冇興趣食，快快食左就算，點知食落先知，原來好新鮮，好甜，好旦牙，超好食，令我對北寄貝改觀！其他壽司最特別係有隻紅飯，食落有味道，魚生樣樣都超新鮮！還有刺身加漬物，廚師強烈建議不要落醬油，因為會影響刺身鮮味，所以一路都係用海鹽配搭刺身！最後加上超香超好味蒸水蛋，牛舌及流水麵，真係飽到上心口！個人消費500有找！為了見完客，對自己好d所以豪一次都冇所謂！是次經驗，覺得可encore!原來餐廳有個感人故事，就係於吧枱最頭一個位，永遠留著一個位，係為左一個廚師的女朋友故事。因為廚師係以前認識了一個女仔，大家都有意思，不過當時廚師未當大廚，所以女仔要佢努力奮鬥，成為總廚，有自己