千之味刺身壽司專門店 (雅都花園)

Open Now

Now Closed

千之味的omakase套餐好值得試。佢叫是日飛機貨，是日本時令的鮮魚omakase，極上12件壽司套餐，全部用靚野，個盒一打開好靚，老公都攞部相機出嚟影相。今次有鯛魚，海膽，帶子，池魚，三文魚，赤貝，甜蝦等等。每款都非常新鮮，海膽外表金黃色，好有光澤，鮮甜不膩，完全冇苦澀味，好正。另外，帶子壽司，好大件，鮮甜肥美。而池魚就十分有囗感，赤貝爽得來又有點黏口，相當鮮甜。鯛魚肉質鮮嫩，味道鮮甜有層次感。老公都好滿意。另外叫咗一個三文魚炒飯，好有驚喜，有好多三文魚塊，而且佈滿蟹籽，其他餐廳少有而配菜是枝豆螺肉，簡單健康又美味。