惠 (Closed)

今次係第二次再過嚟食午餐啦，因為佢呢度嘅lunch set真係好抵食👍🏻，佢嘅性價比非常高，$1080對於食午餐來講價錢算中高，但佢嘅食材勝在夠新鮮👍🏻，而且選用高質食材，廚師發板黎計，算係幾抵食👍🏻。而且個環境唔錯，同朋友嚟傾吓計，都係一流👍🏻嘅。深海池魚之前係食開簿切嘅，估唔到廚師今次厚切味道嘅質感係咁唔同，鮮味高，加上佢夠彈牙👍🏻，配上酸酸地嘅汁，開胃到停唔到口👍🏻。大拖羅係我最鍾意食嘅，因為佢有超高嘅油脂，入口即溶嘅感覺令我難以忘懷👍🏻，望到佢油脂嘅分布，好似雪花咁，成個魚肉嘅表面佔咗八成，正👍🏻。嚟緊壓軸出場嘅就係我最鍾意嘅生蠔同埋海膽啦，估唔到一次就可以食晒兩樣真係大滿足。岩手縣廣田灣生蠔，生蠔大隻得來夠肥美👍🏻，上邊加咗秘製醬汁同埋金箔，唔需要再額外調味，味道超鮮，正👍🏻。跟住嚟嘅就係北海道馬糞海膽，紫菜上邊包住超多嘅海膽，我諗至少有半版海膽嘅分量，放入口入邊真係大滿足，海膽鮮甜度特高👍🏻。