Nood Food

Open Now

Now Closed

一向都鍾意食wrap ，有一晚做完少少work out，唔想食太飽，就試吓三文魚卷。價錢係偏貴，不過勝在方便。Staff會問你想唔想返熱，即場食就當然要啦，等咗一陣就有。打開包裝紙，夾扁咗之後都唔係好大份，摸上去只係微溫。咬第一啖覺得唔係好夠熱，不過衛生緣故，就唔方便叫Staff再幫我加熱。建議大家想食熱辣辣嘅wrap，order時可以要求要整熱啲。雖然係咁，餡料都幾豐富，食得出有三文魚、青瓜、Yogurt、菠菜。青瓜仲係爽脆，而且幾飽肚。可能因為有Yogurt，個餡係比較濕。我就好OK，因為最怕食乾噌噌嘅wrap或者三文治，但如果大家平時食包要走醬，呢款就未必啱你。夜晚冇乜人，連兩張窗口枱都冇人坐，當晚舒舒服服完成晚餐。