龍城冰室

Open Now

Now Closed

同朋友做完運動，黎到銅鑼灣嘅龍城冰室醫肚。下晝4點幾，當然係揾揾下午茶餐牌有咩食啦。下午茶有成36款選擇，有多士、三文治、粉麵、港式茶餐，望左一輪決定嗌個平平地嘅自選雙拼粉麵。1. 沙嗲牛肉拼炒滑蛋配米粉睇賣相，比我預期中要頹好多，純粹係一個米粉底，再pak個炒滑蛋同沙嗲牛喺面，冇其他配菜。感受到香港嘅物價有幾高，下午茶畀39蚊食個頹到爆嘅麵。食落口就係咁，唔抱咩期望，正正常常，蛋有蛋味、沙嗲牛有牛味，同埋沙嗲牛真係份量少左d。2. 熱咖啡熱咖啡比較難飲，好苦澀，已經唔係多唔多奶、重唔重咖啡味嘅問題，而係成個味道都唔太啱，真心唔推介大家黎呢間茶記飲咖啡。埋單每人48蚊，對我黎講，已經唔係抵唔抵食嘅問題，用料頹到根本唔值餐牌上嘅價錢，所以唔推介大家黎食。