Video
Read full review
2018-05-06
50 views
天氣開始慢慢變熱，但係仍然不減我嘅邊爐「慾」！哈哈！見openrice咁多好評，今晚去左銅鑼灣one more hotpot打邊爐，平時成日行過鵝頸橋，都唔覺原來果頭有間火鍋㖭！之前一早扒左文，知道係半放題嘅形式，兩個價位分別係$368同$288，最主要係$368有海鮮拼盤而$288無，湯底選擇都有少許不同，上網見到其他食客嘅相，個海鮮拼盤款式好多望落去好新鮮，就揀左$368個餐。呢度係限時兩個半鐘，比起坊間大部分放題個半鐘或者兩個鐘嘅時間充裕好多，可以放心慢慢食慢慢傾，最岩成班朋友黎吹水食飯。清清地揀左個卜卜蜆白肉冬瓜湯底，一般放題個湯底都係無乜「料」，一心以為都係比幾舊冬瓜幾粒蜆肉就係，點知一黎就有驚喜，湯底超足料，可以話足料到一個程度....唔係好打到邊爐，因為一開始嘅時候冇乜位淥到野食！一大圈冬瓜，加上大量豚肉片、蜆肉、番茄、洋蔥同埋蟲草花，超豐富，味道亦唔錯！配料方面，每兩位包一碟西班牙豚肉或者手切安格斯牛頸脊，另外仲有一個海鮮拼盤、手打丸、自製餃子、即炸響鈴、魚皮等主菜係斷位上嘅。除此之外，仲有幾十款配料、粉麵飯任食。果汁汽水，仲有紅酒、白酒、啤酒任飲！白酒係法國南部嘅酒莊
呢度係限時兩個半鐘，比起坊間大部分放題個半鐘或者兩個鐘嘅時間充裕好多，可以放心慢慢食慢慢傾，最岩成班朋友黎吹水食飯。
清清地揀左個卜卜蜆白肉冬瓜湯底，一般放題個湯底都係無乜「料」，一心以為都係比幾舊冬瓜幾粒蜆肉就係，點知一黎就有驚喜，湯底超足料，可以話足料到一個程度....
唔係好打到邊爐，因為一開始嘅時候冇乜位淥到野食！一大圈冬瓜，加上大量豚肉片、蜆肉、番茄、洋蔥同埋蟲草花，超豐富，味道亦唔錯！
配料方面，每兩位包一碟西班牙豚肉或者手切安格斯牛頸脊，另外仲有一個海鮮拼盤、手打丸、自製餃子、即炸響鈴、魚皮等主菜係斷位上嘅。除此之外，仲有幾十款配料、粉麵飯任食。果汁汽水，仲有紅酒、白酒、啤酒任飲！白酒係法國南部嘅酒莊出品，我唔飲酒所以冇試過，朋友試過就話非常唔錯，差唔多飲左成支㖭！
牛頸脊油花分佈平均，牛味好濃，好正！如果嫌一碟牛頸脊唔夠喉，仲可以任叫肥牛，啱咗d牛魔王呢！
響鈴同炸魚皮都係新鮮炸起，脆卜卜好食，響鈴仲要係king size，同我前臂一樣長，超誇張！
海鮮拚盤有成七款海鮮，大蝦又甜又彈牙、鮑魚有咬口之餘仲好鮮味、貴妃蚌同象拔蚌更加係無得彈，又大隻，有海水味之餘仲十分鮮甜，淨係呢個海鮮拼盤已經覺得值回票價了！
手打丸彈牙有咬口，但唔會打得死實，特別喜歡豬肉丸，新鮮豬肉完全冇腥臭味，反而有甜味，仲有肉汁，非常好！
餃子細細粒係「一口餃子」，皮薄足餡，比一般任食火鍋店嘅質素高太多了！
食完呢d配料已經飽到儍左，任食配料方面，除左order左幾盆蔬菜類之外，就只係叫左碟脆鯇魚腩，又脆又鮮甜，非常對板，係略嫌切得細左些，淥左落鍋之後經常「失踪」呢！
免費甜品係心太軟，好有誠意吧！而且味道好好，爆流心之餘又唔會太甜，做得比好多甜品專門店仲要出色呢！
整體黎講，呢餐火鍋半放題嘅食物質素好高，環境寬敞，整潔分都好高，d餐格餐具唔會話痴痴立立，令人坐得舒服食得舒服，價錢比起一般任食火鍋店略高，但係質素都確實高好幾倍呢！下次都可以再翻兜呢！
Post
