Video
Read full review
2009-12-11
11 views
同朋友仔慶生及聚舊，想找處坐得適服、唔趕客0既餐廳，既可慢慢食，慢慢歎，同慢慢傾，所以決定去呢間。因怕要等位，一早訂左位。八時許去到，眼見餐廳不大，客量七成左右，坐位分佈及編排比較密。我地各人都揀左自選三食，其中一位朋友另加錢轉set。set包野菜沙律及餐湯，是晚餐湯為甘筍忌廉湯。自選三食中有八個選擇，每款只可選擇—次，不可重複。八個選擇包括：牛柳、牛肋肉、三文魚、劍魚、羊胺、大蝦、雞扒(已醃)及海鮮三食(帶子、青口、魷魚)。除了雞扒外、其他既我地都有點，而我自已就點左牛柳、劍魚、大蝦。另外我地亦點左牡丹蝦沙律。 同outback一樣，呢度都有一籃兩款可refill既麵包附送，配以橄欖油加黑醋。我地食既時間d麵包都仲係暖暖地同脆身既，黑醋既quality亦不錯，適合香港人口味，不會太搶咽喉，惟橄欖油唔夠香。 ($138) 牡丹蝦沙律及set既野菜沙律：三隻開邊八成熟既牡丹蝦，配以三角去皮蕃茄，五條露筍墊底及自家製魚子沙律汁。呢個牡丹蝦沙律中規中矩無特別，特別一題係，露筍雖被去皮，但仍有d渣…呢個沙律成$138一個，大家可以不試… 跟set既野菜沙律，沙律汁較姑寒，其中紫紅椰菜，苦到不
我地各人都揀左自選三食，其中一位朋友另加錢轉set。set包野菜沙律及餐湯，是晚餐湯為甘筍忌廉湯。自選三食中有八個選擇，每款只可選擇—次，不可重複。八個選擇包括：牛柳、牛肋肉、三文魚、劍魚、羊胺、大蝦、雞扒(已醃)及海鮮三食(帶子、青口、魷魚)。除了雞扒外、其他既我地都有點，而我自已就點左牛柳、劍魚、大蝦。另外我地亦點左牡丹蝦沙律。
同outback一樣，呢度都有一籃兩款可refill既麵包附送，配以橄欖油加黑醋。我地食既時間d麵包都仲係暖暖地同脆身既，黑醋既quality亦不錯，適合香港人口味，不會太搶咽喉，惟橄欖油唔夠香。
($138) 牡丹蝦沙律及set既野菜沙律：三隻開邊八成熟既牡丹蝦，配以三角去皮蕃茄，五條露筍墊底及自家製魚子沙律汁。呢個牡丹蝦沙律中規中矩無特別，特別一題係，露筍雖被去皮，但仍有d渣…呢個沙律成$138一個，大家可以不試… 跟set既野菜沙律，沙律汁較姑寒，其中紫紅椰菜，苦到不能接受…希望可轉第二種菜...
甘筍忌廉湯：試左一啖朋友既餐湯，夠甘筍香夠creamy，惟自己無太唔鍾意食甘筍…
($308) 自選三食，牛柳、劍魚、大蝦：牛柳肉質雖然唔錯，但無牛肉味，而劍魚，就算只係整孰四邊，中間仲生，都係sashimi好食d；反觀大蝦最有驚喜，夠份量夠大隻，有蝦味，唔錯。亦試過其他，三文魚比想像中好，亦比劍魚好；牛肋肉就麻麻，因為真係比較多根；海鮮三食(帶子、青口、魷魚)就好似買supermarket果d雪藏海鮮pack0甘；而羊胺…我真係未係香港食過一試難忘既羊胺… 跟自選三食有舊grill矮瓜同數片焗薄薯，無特別。另有少許bbq汁，但唔點好過點…都係就0甘用海鹽最好！
($28) Mövenpick 雪糕 [單球]：之前一直想試，但怕唔好食，見呢度有單球，所以一人試左個味，swiss chocolate好好食，比Häagen-Dazs既Belgium chocolate更rich chocolate味，正！ Lime Sorbet超酸…相信夏天食會更好…
總括而言：
我好欣賞Stonegrill上菜很有層次，唔係一次上晒你點既野，而係一樣一樣上，全部人食完再上下一個層次，而每個層次緊密聯系，唔會隔太耐，唔錯。
但店內既抽風系統好差，都未客滿…頭髮、成身油煙味不在話下，連個袋裡面都有油煙味…有d過份…相信淨係呢個point都嚇走唔少客…希望有待改進…
想試既食家要留意，因為石板好夠熱，我建議食得慢想慢慢歎，或者鍾意食raw既食家最好將石板上生既食物先搬到碟上，想食邊野先搬到石板，可避免食物過熟。另外，石板存熱功能好好，就算過左一段時間，石板看似無開頭0甘熱，但都要留意，石板仍有一定熱度，不用半分鍾都可將海鮮整熟！
食物質素、價錢與環境同outback黎個大比拼，Stonegrill就認真一般，埋單成$1680，但食物質素唔出色，食完成身油煙味…唯一吸引我既就係塊熱石板…貪"新鮮"玩過一次現實版cooking mama就夠，好難再叫我去多次…
Post
