Video
Read full review
2023-03-29
65 views
打開Open Rice見到有新餐廳登場，環境及擺盤幾靚，Fine Dining嚟講午市都唔算好貴，所以叫埋Momo嚐新。1️⃣2️⃣3️⃣0️⃣ 午飯時間4 courses Lunch Menu 🍽️ Deul Kkae - Juk (粥）韓國當造特色蔬菜、韓牛、新鮮蛽肉及自家製大米呢碗粥好醒胃，食到香濃海鮮味，亦有嫩滑牛肉，大米煮到唔係港式嘅綿滑，但好有𡁻頭，食住佢回憶返係韓國食飯嘅感覺，讚的。🍽️ Jili - Tang （海鮮清湯配烤釜山鮑魚湯）第一二三四啖都飲緊泡泡😆 湯面上鋪了很多咸味泡泡，要深探一湯匙先飲到湯，略咸，鮑魚咬感不硬，煮得不錯；不過對比上一道菜，除咗賣相，味道就相對失色了。🍽️ Jan Chi - 烤韓國項級1＋＋韓牛一份得三件，可想而知幾珍貴；毛毛都唔太願意分一件俾我😂 肉質好香好軟身，牛味夠濃，配上煮牛嘅甜汁及橙色蘿蔔蓉混吃更食出牛咸與甜之間嘅味道。（必點之作）🍽️ Jan Chi - 36小時慢煮濟州黑毛豬五花花上36個鐘慢煮五花豬，見到肉質分層嘅體態；配以韓式麵豉醬油，再加上紫蘇葉；放入口到會發現多種味感刺激味蕾；不過講真，豬肉烤得比較硬身，所以韓牛比較優勝。🍽️ JinSu -
打開Open Rice見到有新餐廳登場，環境及擺盤幾靚，Fine Dining嚟講午市都唔算好貴，所以叫埋Momo嚐新。
1️⃣2️⃣3️⃣0️⃣ 午飯時間
4 courses Lunch Menu
🍽️ Deul Kkae - Juk (粥）
韓國當造特色蔬菜、韓牛、新鮮蛽肉及自家製大米
呢碗粥好醒胃，食到香濃海鮮味，亦有嫩滑牛肉，大米煮到唔係港式嘅綿滑，但好有𡁻頭，食住佢回憶返係韓國食飯嘅感覺，讚的。
🍽️ Jili - Tang （海鮮清湯配烤釜山鮑魚湯）
第一二三四啖都飲緊泡泡😆 湯面上鋪了很多咸味泡泡，要深探一湯匙先飲到湯，略咸，鮑魚咬感不硬，煮得不錯；不過對比上一道菜，除咗賣相，味道就相對失色了。
🍽️ Jan Chi - 烤韓國項級1＋＋韓牛
一份得三件，可想而知幾珍貴；毛毛都唔太願意分一件俾我😂 肉質好香好軟身，牛味夠濃，配上煮牛嘅甜汁及橙色蘿蔔蓉混吃更食出牛咸與甜之間嘅味道。（必點之作）
🍽️ Jan Chi - 36小時慢煮濟州黑毛豬五花
花上36個鐘慢煮五花豬，見到肉質分層嘅體態；配以韓式麵豉醬油，再加上紫蘇葉；放入口到會發現多種味感刺激味蕾；不過講真，豬肉烤得比較硬身，所以韓牛比較優勝。
🍽️ JinSu - Sung Chen
釜山自家農田珍珠米飯配48小時鰻魚湯加五種時合特色釜山伴菜
大廚同服務員都強烈主打由斧山自家農場種出嘅大米，出場時用壓力煲盛載，配以鰻魚湯及5款不同口味嘅韓式醃料簡單地送飯。先嚐口飯，可能太高期待，感覺上沒有很特別，米飯香不算特別重；再搭口湯，偏咸但撈飯食就比較不錯，湯令米飯黏稠，口感好。然後5款醃料，個人偏愛魚肚刺身，食到韓國風味，魚干仔好好食；係有塊醃製了嘅樹葉🍂食落怪怪地，其他都還好。
🍽️ 傳統韓式甜點
個人嚟講不敢恭維，其一太甜第二食到油炸味，口感偏硬。
講真，午餐嚟講比較多澱粉質，肉似乎得一類，或者佢主打米，所以明白頭同尾盤都用米飯，不過太飽😆 可能食佢晚餐會驚喜大啲。
Post