浪．居酒屋 (Closed)

見到經openrice訂位，主餐牌（刺身壽司除外）有半價優惠，就試下，環境唔錯，唔多人，而且坐得唔迫，但冷氣有啲涼。見到有半價，就揀左唔少野，試左串燒， 魚餅， 芝麻雞翼同埋豚肉壽喜燒。串燒唔濃，都好好食，食左帶子， 豚肉番茄，番薯仔雞軟骨，幾隻串燒都好食，而魚餅係淮山魚餅，所以質地同魚蛋嗰隻魚餅唔同，都幾好食。最後點左個豚肉壽喜燒，但佢而家無得比你自己整，餐廳會整好晒攞出黎，所以享受打邊爐既就未必滿足到，不過都幾足料，有好蛋豚肉，豆腐，菜同埋菇，仲有粉，所以都夠飽。但湯底較清淡。整體野食唔錯，有半價好抵食。