Video
Read full review
2010-06-12
7 views
呢編食評對我嚟講有雙重意義, 第一, 呢編係第一百編, 我成功升級!!! 第二, 呢個係我第一次參加openrice試食!!! 當日未夠三點已經到咗, 但要等齊所有朋友仔先開始食, 亦都比咗d時間大家互相認識, 我估計等咗唔係好耐, 三點三左右人齊, 開始上食物.................... 極上刺身 -> 有三文魚, 吞拿魚, 蝦, 八爪魚, 帶子(面有黑色蟹籽), 每款只得2-3片, 完全唔夠每人每款都試到, 我除咗三文魚外, 其他都試到, 好厚切, 好好口感, 好新鮮................. 蕃茄沙律 -> 用日本溫室蕃茄, 加上芝麻醬, 沙律汁等, 再伴以小麥草及菜絲, 個蕃茄好大個, 一d都唔酸, 個汁有芝麻香, 但感覺會 "溜" 咗d~~ 天玉海老反卷 -> d蝦炸得幾脆 吞拿魚芒果卷 -> 芒果望落好酸, 但食落又唔酸wor~~ 但d芒果味蓋過魚生d味, 好似食緊芒果壽司咁~~ 明太子釀燒雞翼 -> 可能我唔鍾意食明太子, 所以覺得唔好食, 而且冇乜雞翼肉, 但炸得幾香, 食雞翼最怕遇到的就係有雞毛..
當日未夠三點已經到咗, 但要等齊所有朋友仔先開始食, 亦都比咗d時間大家互相認識, 我估計等咗唔係好耐, 三點三左右人齊, 開始上食物....................
極上刺身 -> 有三文魚, 吞拿魚, 蝦, 八爪魚, 帶子(面有黑色蟹籽), 每款只得2-3片, 完全唔夠每人每款都試到, 我除咗三文魚外, 其他都試到, 好厚切, 好好口感, 好新鮮.................
蕃茄沙律 -> 用日本溫室蕃茄, 加上芝麻醬, 沙律汁等, 再伴以小麥草及菜絲, 個蕃茄好大個, 一d都唔酸, 個汁有芝麻香, 但感覺會 "溜" 咗d~~
天玉海老反卷 -> d蝦炸得幾脆
吞拿魚芒果卷 -> 芒果望落好酸, 但食落又唔酸wor~~ 但d芒果味蓋過魚生d味, 好似食緊芒果壽司咁~~
明太子釀燒雞翼 -> 可能我唔鍾意食明太子, 所以覺得唔好食, 而且冇乜雞翼肉, 但炸得幾香, 食雞翼最怕遇到的就係有雞毛................咁都比我見到, 仲要好明顯好大條.........
帆立貝串燒 -> 燒得太干, 搞到d裙邊變硬, 而且好大條屎呀..............
鹽燒秋刀魚 -> 燒得好香, d皮好脆, 而且又唔覺好腥
辣酒煮花螺 -> 好鬼死辣, 因為我唔食得辣.............竟然舖底果d蘿蔔仲好食過d花螺, d蘿蔔好甜, 又冇渣, 相反d花螺就略微細隻咗d, 唔係好夠喉.........
海膽軍艦 -> 見到海膽有d陰影, 因為之前响x氣食過, 超腥, 自此之後我就冇食過海膽..........但今次試食, 所以乜都要食, 我鼓起勇氣放入口, 嘩...............好食呀!!!完全唔腥, 我終於知道海膽係乜野味喇~~~
三文魚子軍艦 -> 唔錯, 其他人話腥腥地, 我就反而唔覺佢腥, 可能我之前食過果d仲腥, haha~~
帆立貝壽司 -> 好厚肉, 好鮮甜, 但都係覺得板x好食d
豚肉手打湯烏冬 -> d豚肉少許偏肥, d烏冬冇想像中咁彈牙, 林咗少少, 但D湯幾甜, 好似話用好多料去煲架!!!
蒲燒鰻魚石燒飯 -> 好少鰻魚, 唔夠分..........個汁又係辣辣地, 不過只落咗少少, 所以受得到, 原來日本D石燒飯係唔要有飯焦架!!! 下次千其唔好投訴喇!!
豚肉煱 -> 由上枱點火到個火燒盡熄埋, 個煱都係未滾過........連蝦眼都未到........但好彩都熱...........有豚肉, 金菇, 豆腐, 娃娃菜, 泡菜, 蔥等等..........豚肉偏肥, 豆腐吸唔到D湯味, 但娃娃菜就吸到D湯, 所以好食D..............個湯我覺得同湯烏冬係同一個湯底..........
其實基本上食物唔差, 服務都可以, 但唔可以代表平時都係咁, 因為始終我地擺明係試食, 佢地一定做到好好(個人認為), 除非係秘密試食, 咁就可以作準, 因為佢始終係味x集團, 我唔係太有信心lor~~
今次試食好開心, 有得免費食之外, 仲識到好多朋友, 希望下次有願再相遇...............但有少少失望...........就係冇甜品食..........而且冇coupon送.......... ** 多謝openrice **
Post
