Chef's Stage Kitchen (西菁街)

Open Now

Now Closed

晚餐冇得堂食，唯有午餐食好啲😗見到Chef's Stage Kitchen有好多人推薦，而且午餐價錢都幾抵食，就試下佢。午餐價錢平均一百鬆啲，包餐湯、沙律、牛角包、餐飲，而且唔洗加一。當日既餐湯係甘筍湯，幾濃，好飲，另外沙律都好新鮮！淋上左啲黑醋汁，酸甜開胃，再加埋帶牛油香又夠脆既牛角包，未上主菜已經食得好開心😄餐飲選擇都好多，除左跟餐既奶茶、檸茶、檸水呢啲之外，仲可以價錢要啲特別啲既嘢飲。可以講呢間餐廳無論食物質素定係環境都好令人滿意。 1⃣️炭燒美國西冷牛扒 伴蜜糖烤黃甜薯、四季豆及秋葵配松露燒汁（$158）牛扒嗌左五成熟，煎得啱啱好，不過略顯有少少筋位。牛扒落左少少鹽提味，冇多餘既調味，更加凸顯到肉味😋呢個價錢食到塊幾唔錯既扒都抵食👍  2⃣️牛肝菌、雜菌及松露醬燴意大利飯（$108） 意大利飯煮到粒粒分明既口感，醬汁creamy菇味濃厚。面頭仲有幾片芝士🧀️  3⃣️手打美國特級安格斯牛肉芝士漢堡配薯條（$118）呢個漢堡，好大個😳見到都有啲驚訝，特別係中間既漢堡肉，超級厚。一啖係冇可能食得曬啲嘢🙈一路食啲配料一路跌出黎😛中間既漢堡肉食到好滿足🤤啖啖肉又夠juicy。另外薯條係粗薯條，好食！