Video
Read full review
2018-06-25
1259 views
上次已經食過呢間韓式燒肉，但係冇得任食就真係唔係好夠喉，今次去呢間分店呢就有個＄268嘅仼食plan，本身都唔知，係咁啱睇佢分店資料嘅時候就好彩見到🤤距離地鐵站10分鐘嘅路程，附近都有好多大巴士站例如大埔中心巴士站，終於見到有好多錶位喺附近，睇嚟呢頭係呢區嘅美食集中地五點半去到已經見有五六台客，個個都食呢個放題plan呢個plan有一個頭盤，最令我期待就係入面有澳洲和牛同A4黑毛和牛🤤記得靚牛係唔可以燒得太耐，見佢啱啱熟或者變咗色就要即刻食！呢個頭盤塊塊牛都好多汁，啲肉好嫩🤤 特別鍾意無調味嘅肉，因為好原汁原味食韓燒又點少得豬肉呢？呢度火喉足夠，五花腩同豬頸肉慢慢燒得嚟唔怕燒韌咗，塊厚豬皮好黏好有咬口。另外都鍾意啲豬腸，無酥味而家又易燒咖哩牛肉拌麵再叫咗啲小食，呢個入面係拉麵嚟嘅，咖哩亦配有蘿白薯仔粒同牛肉粒，份量好大一個人食唔哂～泡菜豆腐湯幾好味，有少少泡菜嘅酸辣係入面，啲豆腐入哂味，個湯正到忍唔住用咖喱牛肉拌麵啲麵撈入去食🤣芝士燒好特別嘅前菜，之前食其他韓燒都無遇過，佢係有carbona嘅醬汁再撈咗啲芝士條，放係烤盤嘅角入面到煮，有啲熟咗嘅芝士會黏底，撩出嚟食會變芝士脆塊😍煮溶佢之
距離地鐵站10分鐘嘅路程，附近都有好多大巴士站例如大埔中心巴士站，終於見到有好多錶位喺附近，睇嚟呢頭係呢區嘅美食集中地
五點半去到已經見有五六台客，個個都食呢個放題plan
呢個plan有一個頭盤，最令我期待就係入面有澳洲和牛同A4黑毛和牛🤤
記得靚牛係唔可以燒得太耐，見佢啱啱熟或者變咗色就要即刻食！呢個頭盤塊塊牛都好多汁，啲肉好嫩🤤 特別鍾意無調味嘅肉，因為好原汁原味
食韓燒又點少得豬肉呢？呢度火喉足夠，五花腩同豬頸肉慢慢燒得嚟唔怕燒韌咗，塊厚豬皮好黏好有咬口。另外都鍾意啲豬腸，無酥味而家又易燒
咖哩牛肉拌麵
再叫咗啲小食，呢個入面係拉麵嚟嘅，咖哩亦配有蘿白薯仔粒同牛肉粒，份量好大一個人食唔哂～
泡菜豆腐湯
幾好味，有少少泡菜嘅酸辣係入面，啲豆腐入哂味，個湯正到忍唔住用咖喱牛肉拌麵啲麵撈入去食🤣
芝士燒
好特別嘅前菜，之前食其他韓燒都無遇過，佢係有carbona嘅醬汁再撈咗啲芝士條，放係烤盤嘅角入面到煮，有啲熟咗嘅芝士會黏底，撩出嚟食會變芝士脆塊😍
煮溶佢之後沾肉食，自製拉芝士絲燒肉
呢個餐會包每人一個雪糕，有haagen dazs / dreyers / movenpick揀😋
店員服務有效率🙌🏿 人數足夠，唔會等好耐都未有人得閒招呼，而且有笑容，無話因為好忙就黑面。最後七點半走個陣都全場爆滿無位剩，睇嚟好受歡迎，去食記得book定枱啦！
Post
