Video
Read full review
2017-06-21
567 views
去咗旺角嘅OPPA韓國燒肉店，佢係晌花園街附近，行完街嚟就啱啱好。之前行過成日都見出面有條人龍，呢日早咗少少嚟就無乜人。入面同大部份韓式燒肉店大同小異，反而牆上用牛同豬做主題嘅彩繪就幾得意。早嚟嘅好處除咗唔洗等，仲可以試佢哋個早割四人餐，包括四式韓牛拼盤、牛胸白肉片、豬五花腩、韓式冰鎮蚌片、牛排骨湯、鐵板芝士墨汁炒飯，就咁睇餐牌已經覺得豐富。牆上面仲掛咗啲圍裙，係俾啲食客用嘅，咁就唔怕燒肉時俾油彈到件衫喇。佢哋仲有提供麥茶，都幾解膩。我哋見有幾款特色飲品，就叫埋嚟試。蜜瓜冰蜜蜜係用藍色沙冰為主，杯入面仲有一支韓國蜜瓜雪條，等佢慢慢溶咗之後就會有漸變效果，味道微甜都唔錯。菠蘿冰嘅沙冰都打得幾幼細，甜甜哋咁。店員仲拎咗幾碟泡菜、大豆芽、昆布、生菜，可以用嚟做前菜又可以用嚟夾燒肉食，另外仲有燒汁、甜辣醬、鹽油、蒜片辣椒等等用嚟點燒肉食。韓式冰鎮蚌片，下面仲有大量大豆芽同蟲草花，口感清新爽脆。牛排骨湯，牛排骨肉煮得非常軟身，蘿蔔甜同埋無渣，仲加咗啲紅棗，湯味香濃。然後就係燒肉時間，先燒油份比較多嘅豬五花腩。同大部份韓式燒肉店嘅龜背鐵板唔同，呢度用嘅係平底式設計鐵板，中間燒肉、側邊分別用嚟烤泡菜
去咗旺角嘅OPPA韓國燒肉店，佢係晌花園街附近，行完街嚟就啱啱好。
之前行過成日都見出面有條人龍，呢日早咗少少嚟就無乜人。
入面同大部份韓式燒肉店大同小異，反而牆上用牛同豬做主題嘅彩繪就幾得意。
早嚟嘅好處除咗唔洗等，仲可以試佢哋個早割四人餐，包括四式韓牛拼盤、牛胸白肉片、豬五花腩、韓式冰鎮蚌片、牛排骨湯、鐵板芝士墨汁炒飯，就咁睇餐牌已經覺得豐富。
牆上面仲掛咗啲圍裙，係俾啲食客用嘅，咁就唔怕燒肉時俾油彈到件衫喇。
佢哋仲有提供麥茶，都幾解膩。
我哋見有幾款特色飲品，就叫埋嚟試。蜜瓜冰蜜蜜係用藍色沙冰為主，杯入面仲有一支韓國蜜瓜雪條，等佢慢慢溶咗之後就會有漸變效果，味道微甜都唔錯。
菠蘿冰嘅沙冰都打得幾幼細，甜甜哋咁。
前菜
16 views
1 likes
0 comments
店員仲拎咗幾碟泡菜、大豆芽、昆布、生菜，可以用嚟做前菜又可以用嚟夾燒肉食，另外仲有燒汁、甜辣醬、鹽油、蒜片辣椒等等用嚟點燒肉食。
韓式冰鎮蚌片，下面仲有大量大豆芽同蟲草花，口感清新爽脆。
牛排骨湯
18 views
0 likes
0 comments
牛排骨湯，牛排骨肉煮得非常軟身，蘿蔔甜同埋無渣，仲加咗啲紅棗，湯味香濃。
豬五花腩
16 views
0 likes
0 comments
然後就係燒肉時間，先燒油份比較多嘅豬五花腩。
豬五花腩
16 views
0 likes
0 comments
同大部份韓式燒肉店嘅龜背鐵板唔同，呢度用嘅係平底式設計鐵板，中間燒肉、側邊分別用嚟烤泡菜蛋、蒜片辣椒或者擺燒好未食想保溫嘅燒肉。
鐵板微微傾斜向一邊，可以等多餘嘅油份晌末端嘅坑位流走。當鐵板燒焦嘅時候，店員就會用剷仔剷走表面焦黑部份，再用生菜抹一抹鐵板，唔洗另外換一塊，都幾方便。
豬五花腩
32 views
0 likes
0 comments
燒好之後嘅豬五花腩肉質鬆化，仲可以按個人喜好夾生菜或其他前菜一齊食。
泡菜蛋都幾惹味，只要嗰間韓式燒肉店有提供泡菜蛋，我都會加多少少印象分。
套餐原本係牛胸白肉片，可惜當日賣晒換咗做牛柳粒，幾有嚼勁。
四式韓牛拼盤
30 views
0 likes
0 comments
四式韓牛拼盤，對於鍾意食牛嘅人嚟講幾吸引，佢哋仲特登整咗啲標籤嚟識別。
四式韓牛拼盤
31 views
0 likes
0 comments
逐一試四款牛肉，封門柳爽口，韓牛頸脊牛味重，下腹牛肋肉有咬口，雪花腩片有油香。
幾款燒肉之中，我哋就比較鍾意雪花腩片同豬五花腩。
食完所有燒肉之後，店員就會拎一盤用嚟整炒飯嘅食材嚟，分別有墨魚汁、墨魚粒、青口、帶子、蝦、西蘭花、茄子、紫洋蔥、辣椒、蒜片同白飯等等。
店員先將海鮮等等食材放晌鐵板上面燒，之後就加白飯、墨魚汁、墨魚粒，再用純熟嘅手勢炒呀炒。
不消一會鐵板墨汁炒飯就完成，食起嚟都幾惹味。
總結嚟講四人套餐未計加一先$398，的確幾抵食。唯一不足嘅係抽風同冷氣一般，走嗰陣全身都充滿濃烈嘅油煙味。
（附上影片，openrice要電腦桌面版先可以睇到）
Post
