Video
Read full review
2014-10-26
1815 views
早半個月前打過電話黎BOOK, 但佢話星期六冇得BOOK要WALK IN, 食前幾日因為想打去CONFIRM 同朋友生日慶祝既野 (我係為左有韓國OPPA唱生日歌所以簡呢間同朋友慶祝的), 點知打到去佢又話星期六都可以訂枱了, 咁所以就BOOK好左時間.之前朋友食過, 大推介. 話OPPA們大唱生日歌好有氣氛~ 而且全部侍應都係韓國人, 友人同我都好喜歡韓國~ 再睇埋OPENRICE, 又話有送燒肉啦(打去詢問時佢話冇), 同埋間店大多係韓國侍應. 不過我地去到, 除左企門口既小姐係韓國人外…. 上面個D…似乎都係港人…..一坐入黎佢地好快手咁排哂醬油, 小食. 配菜只有薯仔, 不過都幾好味~仲有得REFILL~ (菜,都係REFILL, 而且唔駛叫, 成日自動REFILL俾我地,好好)燒魷魚- 原來係辣架.. 因為我完全唔食得辣..所以食完第1條停左 >_<什錦牛肉拼盤- 一開始個侍應o係我地冇人見到下成排肉放左落去燒, 個隻好想知係咩肉, 因為好好食,一塊塊有白色肥肉邊好似打邊爐既肥牛咁. 不過勁好味! 之後剩低既牛舌,同其他牛肉相對的冇咁好正.燒豬皮- 呢個之前喺
之前朋友食過, 大推介. 話OPPA們大唱生日歌好有氣氛~ 而且全部侍應都係韓國人, 友人同我都好喜歡韓國~ 再睇埋OPENRICE, 又話有送燒肉啦(打去詢問時佢話冇), 同埋間店大多係韓國侍應. 不過我地去到, 除左企門口既小姐係韓國人外…. 上面個D…似乎都係港人…..
一坐入黎佢地好快手咁排哂醬油, 小食. 配菜只有薯仔, 不過都幾好味~仲有得REFILL~ (菜,都係REFILL, 而且唔駛叫, 成日自動REFILL俾我地,好好)
燒魷魚- 原來係辣架.. 因為我完全唔食得辣..所以食完第1條停左 >_<
什錦牛肉拼盤- 一開始個侍應o係我地冇人見到下成排肉放左落去燒, 個隻好想知係咩肉, 因為好好食,一塊塊有白色肥肉邊好似打邊爐既肥牛咁. 不過勁好味! 之後剩低既牛舌,同其他牛肉相對的冇咁好正.
燒豬皮- 呢個之前喺另外既韓燒店食過, 一試愛上. 所以今次必點! 不過個味道好似冇咁好, 佢會俾一碟黃豆粉你, 用黎吸油, 但點左之後完全唔好味, 唔建議點. (上次燒豬既經驗已經好驚..因為塊豬皮係會不停彈D油出黎… 今次呢度既侍應們好好人. 佢地幫我地燒, 其中一位偽韓仔侍應仲見我地勁驚, 幫我地放生菜係下面, 蓋過D油, 非常細心. 到燒第2塊既時候係另一個女侍應幫我地, 但今次D油彈得好勁,彈到隔離台都十分驚訝, 我地3個女仔.. 係嚇到完全變樣XD 之後偽韓仔侍應再番黎幫我地熟手咁收伏左塊豬皮. 雖然佢扮韓仔, 但係佢既服務係十分之好既! 點解我地話佢係偽韓仔, 係因為一開始落單時, 佢扮唔識聽我地講咩, 而且佢每次回覆我地講野只係發單音. 但因為我地都幾確家佢係來自香港, 所以一直用廣東話同佢講野,而且講得好快, 但佢句句都聽得明….叫佢幫我地影相時, 佢用左王祖藍係老表,X好HEA既語調同我地講1,2,3笑..之後又突然變番英文…哈哈, 之前去食韓國食物D韓仔都唔係咁既.但我再重申, 佢既服務態度係十分之好的)
海鮮煎餅- 呢個好好味, 推介. 佢黎到擺左陣, 但都好脆. 而且味道仲好好~落足料.米酒- 甜甜地好易入口, 拎住個碗飲都幾有FEEL, HAHA
我地差不多7點上到去既, BOOK枱, CONFIRM, 加黎到時都冇同過我地講個半鐘要還枱, 點知.. 佢8點過黎埋單仲提我地要8點30還枱.. 呢樣野真係唔多OK. 咁我唯有快快手叫佢上個旦糕, 點知隔左一輪都冇人黎.. 眼見野食又差不多食完, 我又再叫多次另外一個侍應上旦糕. 今次隔左一陣就播左生日歌. 加兩位男侍應(不是OPPA)拎住個閃光搖鼓拍. 但佢地係..只係拍鼓, 而且兩個互相對望, 有一位好好笑容, 另一位四眼哥哥一開始時都帶點笑容. 但之後便黑口黑面..佢真係黑面. (係完全唔同我之前幫襯過既朋友形容..為什麼?) 之後隔一陣仲有兩台生日, 個位四眼哥哥已經係由一開始黑面黑到完場, 我同朋友都立即慶幸自己係第一枱. 冇俾佢一黎到就黑面. 哈哈. 其實大致上侍應們都好NICE,又好熱心幫手, 又會同你傾下計. 但我唔明! 點解佢地要搵D香港侍應扮韓人呢? 哈哈
Post
