南대門韓國料理

Open Now

Now Closed

今日出去尖沙咀開會，午飯就去咗韓國街覓食。由街頭行到街尾，見到呢間入面唔少人就揀咗佢。座位唔多但乾淨簡潔。餐廳是傳統韓式食店，有炸醬麵、牛肉湯。我和同事分別揀咗牛肉什錦飯和海鮮辣豆腐鍋。落order後，好快就上前菜，共四款。我哋幾肚餓，好快清咗碟泡菜，仲免費添加，前菜味道不過不失。兩款午餐都真材實料，大大份之餘，味道也不錯。同事的豆腐鍋，上菜的時候熱辣辣，食極都仲有蜆，而我的什錦飯，不是用蠱惑的碗盛裝，差d食唔晒，唔加辣醬亦都好夠味。侍應姐姐自動加茶，唔洗叫先郁，服務唔錯。午市唔加一，真係低食夾大件，鬧市中快靚正的首選!