365炸雞 (旺角中心1期) (Closed)

一向都好中意食西多士既我，今日突然心血來潮好想食，諗住聽日下午茶時段先有得食啦，點知見到旺中呢間365炸雞竟然有西多士，咁緊係即刻買黎試下啦。佢地有幾隻西多士，一隻係傳統既，配煉奶花生醬，另一隻有埋oreo碎係上面，我覺得幾新鮮所以就買左有oreo既西多士啦。個感覺幾新奇，估唔到西多士同oreo都可以咁夾，佢加埋煉奶都唔係太甜，仲有兩種口感，都幾正。👹個西多士係即叫即炸，隻色好靚，唔會炸到好深色咁，而且望落去都幾脆咁。比錢個陣店員仲問我洗唔洗幫我分開一舊舊，我話影張相先，之後佢再幫我分開一舊舊，食落都好方便，又唔洗自己切😆賣相:☀️☀️☀️☀️味道:☀️☀️☀️☀️☀️服務:☀️☀️☀️☀️☀️