唐記包點 (港鐵太子站)

Open Now

Now Closed

次次OT後都唔想再諗食啲咩，想快啲買外賣返屋企食，見到唐記就係喺太子站入面諗都冇諗就去咗買啦。原來而家新出嘅套餐都幾抵， $45就有點心加蒸飯仲有飲品，於是乎叫咗兩個套餐。平時我最鍾意食鳳爪排骨飯，所以一定要叫。估唔到原來鳳爪有兩隻咁多，都幾多飯，男士都夠食。另外幫屋企人買咗章魚肉餅飯，肉餅非常厚身，仲好似大件過平時喺酒樓食嗰啲肉餅咁。肉餅加埋甜豉油，其實食唔出同出邊食酒樓嘅有咩分別。另外兩個點心其中一個叫做鵪鶉蛋燒賣，而家已經好少地方可以食到，就連酒樓都未必有得買。鵪鶉蛋好香，下面嘅燒賣幾爽口彈牙，而且燒賣好大粒，好飽肚。令一款點心就叫咗山竹牛肉球，店員好細心幫我加咗喼汁，我本身唔鍾意食果皮，呢一個牛肉球嘅果皮味唔重，啱晒我呀。另外仲叫多咗一支豆漿，有驚喜喎，豆漿好友豆味，下次可以再叫。