Video
Read full review
2022-11-24
204 views
喺社交媒體網站見啲女仔影相打卡好似幾靚咁，即刻上網book個星期六同三個friend食上網book見佢都幾爆，早三個星期都仲要book 11:30am，anyway 都試吓啦如是者，去到Booking嘅當日我見自己遲緊度，就打去餐廳同佢講聲嚟緊。自問語氣都好好，打去第一時間say sorry話我哋而家嚟緊，遲10分鐘左右。對面聽電話嗰個唔知係聽唔到我講咩定點，就咁一句話唔留枱😵💫😵💫😵💫餐廳：「我哋冇得留枱！」我：「下？但係我book咗，嚟緊，遲10分鐘啫。」餐廳：「總之你1點就要走啦！」佢真係用「走」，唔係「交枱」我都係第一次聽啲餐廳咁樣講嘢因為我朋友到先，佢唔知係indoor or outdoor，只係知 by the tree，見waiter 帶咗佢坐室內嘅位，都係問一句係唔係outdoor? 點知個侍應又好晦氣咁話佢：「你揀好啦嘛？」Outdoor 一 啲 都 唔 靚 ！後面仲見到圍咗板維修真係得indoor 嗰兩張枱靚終於大家都到齊揀嘢食，得set lunch 而且唔多選擇，$250 個，諗住ok 啦揀個三文魚嚟食。個餐嚟到，一食，er，我唔會話佢難食嘅，但似係大學hi
上網book見佢都幾爆，早三個星期都仲要book 11:30am，anyway 都試吓啦
如是者，去到Booking嘅當日
我見自己遲緊度，就打去餐廳同佢講聲嚟緊。
自問語氣都好好，打去第一時間say sorry話我哋而家嚟緊，遲10分鐘左右。
對面聽電話嗰個唔知係聽唔到我講咩定點，就咁一句話唔留枱😵💫😵💫😵💫
餐廳：「我哋冇得留枱！」
我：「下？但係我book咗，嚟緊，遲10分鐘啫。」
餐廳：「總之你1點就要走啦！」
佢真係用「走」，唔係「交枱」
我都係第一次聽啲餐廳咁樣講嘢
因為我朋友到先，佢唔知係indoor or outdoor，只係知 by the tree，見waiter 帶咗佢坐室內嘅位，都係問一句係唔係outdoor? 點知個侍應又好晦氣咁話佢：「你揀好啦嘛？」
Outdoor 一 啲 都 唔 靚 ！
後面仲見到圍咗板維修
真係得indoor 嗰兩張枱靚
終於大家都到齊揀嘢食，得set lunch 而且唔多選擇，$250 個，諗住ok 啦揀個三文魚嚟食。
個餐嚟到，一食，er，我唔會話佢難食嘅，但似係大學high table dinner嘅質素囉… 😂
杯咖啡似大家樂嗰啲即磨咖啡… 我都唔會話佢難飲嘅
佢講到1點要走，以為好多人啦
笑死，人影都無隻，隨便walk-in
我哋最後坐到2點自己埋單走🤗🤗🤗
加個latte 再加埋一，成$300 埋單
真係唔會食第二次🤗🤗🤗🤗
19 views
0 likes
0 comments
Post
