Video
Read full review
2022-04-09
1342 views
旅發局21年舉辦嘅wine and dine多咗「大師發辦」，慕名前來一試紅棉，期待咗好耐，近兩千蚊一位嘅menu嚟講，有啲meet唔到期望。成個Menu最鍾意嘅係脆鱗馬頭配苗族酸湯。魚鱗炸到好脆，魚肉結實但十分嫩滑。酸湯將炸魚鱗嘅油膩感中和到啱啱好，又唔會帶走魚肉嘅鮮味。係驚喜之作。其次係海藻清湯西施舌。西施舌處理得幾好，肉質彈牙，個湯味濃而不失鮮味，令人回味。焗釀鮮花蟹蓋都唔差，呢道菜十分足料，應該用咗有一隻蟹嘅蟹肉，蟹味濃郁。缺陷係佢個蓋有啲滯，即係食完第三個餸已經開始有啲飽飽地嘅感覺。🥶最後想講吓雞油狀元紅蒸河鰻，河鰻即係平時喺日本餐廳食鰻魚飯嗰種鰻魚，原來冬天係河鰻當造。當時食時間啱啱好。唔知佢係用咗幾多年嘅狀元紅去整，但係呢道菜花雕味十分重。雖然河鰻肥美嘅油脂味冇被狀元紅搶走，但我麻麻地。其他菜式都係不過不失，呢個價位去食一餐七道菜嘅中菜，始終overprice咗。雖然佢係五星級酒店嘅中菜廳，有唔少嘅錢應該係去咗服務費度，聽講原來個大廚會出嚟講解菜式，但係我哋就係得waiter同我哋講呢個係乜乜乜，連道菜點整都冇點介紹到。個Experience有啲差，甚至乎唔係好知自己食緊
旅發局21年舉辦嘅wine and dine多咗「大師發辦」，慕名前來一試紅棉，期待咗好耐，近兩千蚊一位嘅menu嚟講，有啲meet唔到期望。
成個Menu最鍾意嘅係脆鱗馬頭配苗族酸湯。魚鱗炸到好脆，魚肉結實但十分嫩滑。酸湯將炸魚鱗嘅油膩感中和到啱啱好，又唔會帶走魚肉嘅鮮味。係驚喜之作。
其次係海藻清湯西施舌。西施舌處理得幾好，肉質彈牙，個湯味濃而不失鮮味，令人回味。
焗釀鮮花蟹蓋都唔差，呢道菜十分足料，應該用咗有一隻蟹嘅蟹肉，蟹味濃郁。缺陷係佢個蓋有啲滯，即係食完第三個餸已經開始有啲飽飽地嘅感覺。🥶
最後想講吓雞油狀元紅蒸河鰻，河鰻即係平時喺日本餐廳食鰻魚飯嗰種鰻魚，原來冬天係河鰻當造。當時食時間啱啱好。唔知佢係用咗幾多年嘅狀元紅去整，但係呢道菜花雕味十分重。雖然河鰻肥美嘅油脂味冇被狀元紅搶走，但我麻麻地。
其他菜式都係不過不失，呢個價位去食一餐七道菜嘅中菜，始終overprice咗。雖然佢係五星級酒店嘅中菜廳，有唔少嘅錢應該係去咗服務費度，聽講原來個大廚會出嚟講解菜式，但係我哋就係得waiter同我哋講呢個係乜乜乜，連道菜點整都冇點介紹到。個Experience有啲差，甚至乎唔係好知自己食緊啲乜嘢嘢。未必會revisit 啦。
Post
