Video
Read full review
2023-04-29
1549 views
喺條街度行咗兩次先搵到，個門口全靠OpenRice個Map。由於呢次係朋友生日，唔係自己選擇嘅，所以用返OpenRice 嘅評分分類。環境：係！佢係有個好大嘅酒庫，有好多食評都係話佢個酒庫好大好靚。但係我係去餐廳食飯，唔係wine shop。個人比較著重餐廳環境。我哋被編排坐出面，無錯，係餐廳嘅出面，即係嗰個酒庫嘅出面。侍應聲稱因為佢哋太full booking，所以借用酒庫地方。but so sorry, 我唔覺得自己去咗fine dine。地毯似屋苑會所，裝修又冇特別。最最最恐怖嘅係個廁所，仲衰過商場廁所，初初以為女廁先恐怖，問朋友，男廁一樣好污糟。我唔expect 一間”fine dine restaurant” 個廁所又濕，又窄，又污糟。服務：wine 牌頭，我expect 啲侍應好有serve酒嘅經驗。幫我斟酒個侍應，滴咗紅酒喺我隻杯隔離，望住，都冇反應，嗰滴逃走咗嘅紅酒，成餐飯都喺我面前。同埋我比朋友早到，覺得冷氣凍，問佢攞杯熱水，佢雙眼發出鄙視嘅目光（given that 我已經叫咗sparkling water）。衛生：overall 正常，兩方面可以改善。第一，無帶口
由於呢次係朋友生日，唔係自己選擇嘅，所以用返OpenRice 嘅評分分類。
環境：係！佢係有個好大嘅酒庫，有好多食評都係話佢個酒庫好大好靚。但係我係去餐廳食飯，唔係wine shop。個人比較著重餐廳環境。我哋被編排坐出面，無錯，係餐廳嘅出面，即係嗰個酒庫嘅出面。侍應聲稱因為佢哋太full booking，所以借用酒庫地方。but so sorry, 我唔覺得自己去咗fine dine。地毯似屋苑會所，裝修又冇特別。最最最恐怖嘅係個廁所，仲衰過商場廁所，初初以為女廁先恐怖，問朋友，男廁一樣好污糟。我唔expect 一間”fine dine restaurant” 個廁所又濕，又窄，又污糟。
服務：wine 牌頭，我expect 啲侍應好有serve酒嘅經驗。幫我斟酒個侍應，滴咗紅酒喺我隻杯隔離，望住，都冇反應，嗰滴逃走咗嘅紅酒，成餐飯都喺我面前。同埋我比朋友早到，覺得冷氣凍，問佢攞杯熱水，佢雙眼發出鄙視嘅目光（given that 我已經叫咗sparkling water）。
衛生：overall 正常，兩方面可以改善。第一，無帶口罩嘅侍應可以嘗試唔好隻手攞住食物，個口就同另一個侍應傾計講嘢。第二，餐巾可以唔好咁”梅”，太薄身，感覺好cheap。
抵食：well, fine dine 價錢, 普通正常西餐廳嘅味道同埋衛生同埋服務。自己諗。
味道：所有野正常味道，無一碟我會覺得「嘩！點解咁好味㗎㗎㗎㗎？」，亦無一碟我覺得難食。但係隻好出名嘅雞，我只可以俾四個字佢「名過其實」。
點解食評最後先寫「味道」，因為唔知係我有問題，定係大家見到個價錢而「覺得」佢好味，定抑或有好多「高手」幫緊忙。喺我寫食評呢一刻，OpenRice 有84個食評，得4個係負評。Well, 我都係唔係好明，無咩事我番返屋企先……
Post
