Video
Read full review
2021-11-06
1241 views
唔止蠔！所有海鮮都勁正！ 同男朋友慶祝，佢鐘意食蠔。搵咗幾間餐廳之後，決定嚟呢一間Open Oyster試吓。本來見無太多食評都有啲擔心，但係一坐低我哋就冇咗呢種疑慮！ 店員喺我哋一坐低已經好Nice咁介紹各種蠔嘅特質，會好細心咁問我哋呢一round想食幾多隻，然後再就住我哋嘅口味推介返相應嘅品種。我本身唔係太食蠔，所以我哋第一round只係叫咗每人三隻，而都請教店員去推介一啲比較甜身嘅。一試果然覺得佢冇介紹錯！勁鮮甜！cocktail sauce, tabasco都唔洗落！食完第一round, 我哋再叫咗忌廉香草煮青口同埋海鮮risotto。青口新鮮到不得了🤤個sauce好香，搞到我哋忍唔住叫咗法包去點個sauce🤭另外個risotto都一樣咁正！虎蝦，海膽，帶子都勁新鮮，而個飯雖然落咗好多芝士，但係一啲都唔膩口！唯一美中不足之處，就係個risotto個擺盤唔係十分精美。不過最重要嘅都係味道嘛🤤本來諗住食完可以叫多一round蠔，但係實在係太飽。所以我同男朋友決定下個月再黎多次😆
同男朋友慶祝，佢鐘意食蠔。搵咗幾間餐廳之後，決定嚟呢一間Open Oyster試吓。本來見無太多食評都有啲擔心，但係一坐低我哋就冇咗呢種疑慮！
店員喺我哋一坐低已經好Nice咁介紹各種蠔嘅特質，會好細心咁問我哋呢一round想食幾多隻，然後再就住我哋嘅口味推介返相應嘅品種。
我本身唔係太食蠔，所以我哋第一round只係叫咗每人三隻，而都請教店員去推介一啲比較甜身嘅。一試果然覺得佢冇介紹錯！勁鮮甜！cocktail sauce, tabasco都唔洗落！
食完第一round, 我哋再叫咗忌廉香草煮青口同埋海鮮risotto。青口新鮮到不得了🤤個sauce好香，搞到我哋忍唔住叫咗法包去點個sauce🤭
另外個risotto都一樣咁正！虎蝦，海膽，帶子都勁新鮮，而個飯雖然落咗好多芝士，但係一啲都唔膩口！唯一美中不足之處，就係個risotto個擺盤唔係十分精美。不過最重要嘅都係味道嘛🤤
本來諗住食完可以叫多一round蠔，但係實在係太飽。所以我同男朋友決定下個月再黎多次😆
Post
