山下菓子 (如心廣場) (Closed)

荃灣如心廣場2期新開了山下菓子，每次期間限定都不同主題，今次係P助與粉紅兔兔crossover。餐廳周圍擺滿P助與粉紅兔兔的圖片，而且門口仲有一大隻P助與粉紅兔兔，大人小朋友見到非常喜愛，打卡一流連餐牌都係P助與粉紅兔兔。餐廳以甜品為主，有多款甜品、飲品可以選擇，非常吸引，除了甜品，亦有午市套餐、下午茶，價錢合理。午市限定優惠：卡邦尼意粉（$68）意粉火喉剛剛好，軟硬適中，汁非常濃厚好Creamy 好軟滑，而且意粉份量夠多，食完夠飽肚。+$38可追加小食或甜品蟹餅整得好香口，啖啖蟹肉P助與粉紅兔兔士多啤梨慕絲蛋糕配Movenpick雪糕（$99）粉紅兔兔士多啤梨慕絲蛋糕造型，好可愛，士多啤梨慕絲蛋糕酸甜綿滑，再配上Movenpick朱古力和士多啤梨雪糕，好滿足。宇治抹茶紅豆冰配曲奇（$49）曲奇造型好可愛，曲奇好鬆化，而且甜而不膩，宇治抹茶與紅豆冰非常絕配。每點一款P助與粉紅兔兔甜品都會送上一個Folder 。