L'attitude (Closed)

唔知係咪貴人出門招風雨，上兩個星期諗住嚟食點知打風，今次又係滂沱大雨。嚟之前已經做定功課，知道要嗌咩食。除左意粉，當然係宜家最hit最cute嘅panda attack 熊貓綿花糖軟雪糕同相當吸睛嘅星空系列飲品啦！黑松露牛肝菌扁意粉$128同溫泉蛋卡邦尼意粉$78，兩款都好creamy，好多配料，唔知係咪廚房師傅重手咗，兩款味道都偏咸，要撈左隻溫泉蛋同飲嘢中和下。我叫嘅呢杯係星空系列嘅杜拜$38，由藍蝶花同韓國蜂蜜製成，成個發光嘅造型好有心思，定眼注視這夢幻星空，很治癒啊！藍蝶花味道帶點酸，搞拌一下沉在底部的蜜糖，就如在星空劃上一道光，劃破天際翔空。因蜜糖置於冰水裡，會較難融化。最後嘅甜品主角終於出場啦！熊貓綿花糖軟雪糕-特濃牛奶味$58，造型超可愛，按耐不住瘋狂與它拍照。軟滑牛奶味雪糕與oreo餅碎一起入口，有如cookies and cream 的感覺。