小桃咖啡室 (Closed)

有日同朋友想搵個地方消磨時間，咁上openrice見到小桃咖啡室評價幾好，一於上去試試！間餐廳係一座比較舊式既樓入面，唔突登搵都唔覺有間餐廳係到。但正正因為咁環境都好寧靜同舒服。有bar台向街景坐，另外都可以簡坐梳化。坐低見到有好多board game 同埋一系列既漫畫睇，想係到同朋友hea下時間依到真係一個唔錯既地方。我就叫左個招牌龍蝦all day breakfast（$158），男朋友就叫左個西班牙茄汁磨菇煙肉意粉（$98）。隻龍蝦中等size，但都啖啖肉。最估唔到係居然有膏！個all day breakfast 同平時有啲唔同，佢唔係普通炒蛋，係炒雜菌奄列。個奄列炒得好滑，仲有好多蛋汁，加埋啲雜菌好夾好好食！果然係一分錢一分貨啊。另外個意粉，menu上面寫住係用新鮮蕃茄製茄汁，一試發覺真係同平時係其他餐廳食果啲蕃茄汁意粉唔同味，感覺fresh啲，意粉都煮得岩岩好，兩者加埋真係無得輸。見到佢有兩個set menu都好吸引，個ribs好似仲係得獎菜，可惜今次係下午茶時段黎叫set menu就太多，下次黎一定要試下！另外咁岩果日去有一班人搞緊gathering，叫左好多野食好吸引！突