Pizza e Pollo (柴灣角街熟食市場)

Open Now

Now Closed

昨晚同朋友在荃灣沙咀道附近的工廠Party room gathering，尋找附近有什麼方便8-10人一起食的外賣，結果就找到呢間。叫左個8人套餐，套餐$548，包2個大批，8件炸雞，2客意粉/焗飯，2客小食，8客汽水/湯/沙律（我哋揀左沙律）由於我哋要等齊朋友到才開始食，所以d食物大部分都凍左，但質素都仍然ok。沙律無出水，沙律菜及車厘茄都算新鮮，沙律麻醬好味。Pizza 足料味道唔錯，餅底幾煙韌。螺絲意粉及飯味道也ok。小食要左炸魚手指及墨西哥芝士波（有微辣）味道都ok，雖然凍左。炸雞最有驚喜，大件，凍左個外皮雖然硬了一點，但內裡仍有肉汁，唔會柴，味道好。整體算抵食，味道及質素亦幾好，下次再同朋友到附近party room 玩時會再幫襯。