To-Gather Cafe (Closed)

同朋友Re-U 來左呢間樓上cafe，想食多d唔同嘅野，所以我地六個人叫左呢個party set。首先來小食拼盤，有密密燒雞翼，咖喱角同埋魚餅。d雞翼好juicy🤤加埋蜜糖甜甜地好jeng🥳仲有咖喱角同魚餅外脆內軟，個咖喱角個餡好香濃。吉列鳳尾蝦可能係岩岩炸好既關係，咬落好脆，入面既炸粉唔算大厚，隻蝦都夠大隻，入面炸到岩岩好，外脆內軟。隻蝦上面仲淋左D日式燒汁，甜甜地，整體來講都幾好食。芝士薯條上嘅時候熱辣辣，店員好好咁提醒我地要趁熱食。 而芝士汁都好熱好濃味，同埋有用白汁令芝士汁唔會太膩。另外仲有加左好多香草令味道更豐富，真係好好食。一食完小食，就輪到主菜上場。鮮茄焗豬飯冇令人失望，一上黎就聞到好香既蕃茄味噴上黎，上面仲鋪滿哂熱熔熔既芝士。而主角既豬排大塊又juicy ，同飯底一樣一啲都唔乾。而另一樣主菜我地決定黎啲新嘗試，叫左特別啲既 抗氧黑蒜忌廉什菌意粉。但係我地全部人都喜出望外，忌廉同蘑菇味配合得啱啱好，唔會話邊樣太濃味太特出。而且全素既意粉係素食人士必選。Party Set野飲全部都係任喝嫁！今次我地就試咗水蜜桃紅茶，青蘋果菠蘿，味道都幾清新。