Video
Read full review
2012-07-01
119 views
你忙我又忙…吾覺吾覺又好似兩個多月冇同班老友記開飯局喎…係時候約埋齊齊嚮餐桌上交流下生活近況…理所當然又趁機試下新店啦~~近月青衣城o既食肆不斷翻新換舊…選擇越來越豐富咁…今晚就試試哩間白壁輝煌o既<前門飯莊>…同前身<阿拉廚房>差不多, 都係做京川滬菜式…7.1長周末前夕o既周五晚上…仲遇著3號風球高高掛…人人懷著放假o既大好心情…門外大排長龍, 生意吾休做呢!!...好在早早訂好7:30pm一桌…稍為等等十分鐘就可以入座…坐到正係門前入口o既紅色大圓梳化箱座...坐位雖然寬敞但面對正大門接待處大棚等食的一群…我地就似被餓狼虎視眈眈一樣o羅…有D吾自然…嘻…巨型餐牌有F4大小, 硬皮厚身膠面全彩色印刷…大到翻頁都怕刮到俏臉架…呵呵!!...好慶幸同我走得埋一齊的…都係”擦得”之人!!...酒逢知己, 食得盡情, 永遠冇嫌多…<冷盤>清酒芥辣鮮鴨掌…酒香吾多覺, 芥辣又吾夠嗆…鴨掌就太軟冇乜嚼口, 有D失望…蒜泥黑豚肉…估吾到幾辣喎, 似乎蓋過肉香同蒜香添, 預計吾到係薄薄肉片居然帶白色硬骨, 吾多稱心…兩樣冷食都吾特別出色…<主
近月青衣城o既食肆不斷翻新換舊…選擇越來越豐富咁…今晚就試試哩間白壁輝煌o既<前門飯莊>…同前身<阿拉廚房>差不多, 都係做京川滬菜式…
7.1長周末前夕o既周五晚上…仲遇著3號風球高高掛…人人懷著放假o既大好心情…門外大排長龍, 生意吾休做呢!!...好在早早訂好7:30pm一桌…稍為等等十分鐘就可以入座…坐到正係門前入口o既紅色大圓梳化箱座...坐位雖然寬敞但面對正大門接待處大棚等食的一群…我地就似被餓狼虎視眈眈一樣o羅…有D吾自然…嘻…
巨型餐牌有F4大小, 硬皮厚身膠面全彩色印刷…大到翻頁都怕刮到俏臉架…呵呵!!...好慶幸同我走得埋一齊的…都係”擦得”之人!!...酒逢知己, 食得盡情, 永遠冇嫌多…
<冷盤>
清酒芥辣鮮鴨掌…酒香吾多覺, 芥辣又吾夠嗆…鴨掌就太軟冇乜嚼口, 有D失望…
蒜泥黑豚肉…估吾到幾辣喎, 似乎蓋過肉香同蒜香添, 預計吾到係薄薄肉片居然帶白色硬骨, 吾多稱心…兩樣冷食都吾特別出色…
<主食>
四川酸辣湯…材料好豐富, 蝦仁爽, 酸辣度温和, 味道OK…
北京填鴨 (原隻$280)…鴨子比一般見的細隻, 但肉質細嫰多汁, 肉味反而更濃喎…出乎意料的好味呀, 搶回D分數…係推介之選!!
炒鴨絲,,,加$50可以一鴨二食, 選湯或炒鴨絲…都係用芽菜青椒絲齊炒, 對於自己黎講係可有可冇o既一味…選一食省回錢都冇所謂…!!
蝦子鍋鎉豆腐...豆腐一磚, 平平無奇, 好淡就只有熱豆腐味…蝦子??...真係吾覺o羅…當係中和下肉食而已…
砂窩雲吞雞湯 (半隻$88)…哩口湯吾錯, 味鮮甜濃郁, 材料足…亦值一試…
<小食>
招牌生煎包…一客5件, 外型吸引, 皮薄煎得香脆, 肉餡多汁…香口食物合我心水…!! 嘻…
京式蔥油餅…兩個圈分8小件, 京蔥香, 外皮脆…亦屬美味o既一道小吃…
<甜品>
高力芒果奶黃…哩個芒果餡較特別, 口味配搭得宜…可以話比傳統豆沙清新D, 吾錯o既!!
桂花杞子紅豆糕…見上層佈滿全面杞子真有DD擔心架, 不過原來食落大家都覺得比想像中好味, 可能杞子個味夠甜之餘又未至於搶晒紅豆糕o既味道, 而且甜度適中…OK啦!!
茶水每位$6…全單連加一服務費HK$941.6
Post
