八屋 (Closed)

作為2021年新開始，第一餐當然要放肆地食餐好，正所謂「辛苦搵黎志在食」。之前已經被呢間嘅美輪美奐嘅Bar枱吸引，bookmark已久。去到一開lift就見到同相中一模一樣嘅Bar枱，絕對唔係騙圖。嘢食方面選擇唔算多，我地叫咗一枱美食share！。重頭戲之一八屋法式西多士，因為本身係茶記西多士嘅粉絲。一上枱已經睇到法式多士身價唔同，三件三角形整齊咁排排坐，仲有香蕉、藍莓、士多啤梨作擺盤，秒殺相機。如果一個人食，作為brunch都綽綽有餘。邊位特別香脆，有淡淡玉桂味。中間比較鬆軟，但係唔會好似疏乎厘咁，有蛋香味，落埋糖漿更好味。友人大讚連香蕉都好新鮮，確實又真係幾甜。明太子意大利麵每條扁意粉沾滿明太子，魚籽分量亦好闊綽。小食中嘅脆炸薯條配黑松露醬同日本忌廉芝士蟹餅不過不失。黑松露醬味道濃，可惜粗薯條炸得唔夠脆身。最後不得不提滿有驚喜嘅飲品。飲品定價雖然比較貴，但絕對值得一試。我叫咗Tiramisui Latte，而搵食小伙伴就叫咗意大利岩漿朱古力。除咗兩杯飲品都好豐盛，有快瀉出黎嘅感覺，打卡一流，味道都令人想一飲再飲。Tiramisui Latte杯面上有一條餅乾，建議要浸落去杯嘢飲度，