Video
Read full review
2021-09-15
175 views
最近朋友又約左我去PIER 1929果度HAPPY HOURS, 原來佢地推出左個好抵玩嘅HAPPY HOUR SET只需要HK$598/2位，不如黎睇下有幾抵！1. 首先包左2杯自選雞尾酒，散叫已經要HK$100杯以上！2. 另外仲有汽泡酒任飲^3. 紅酒/白酒 任飲!4. 指定啤酒 任飲!5. 汽水果汁 任飲!6. 炸薯條任食 無限REFILL!7. 任選4款佐酒小食，可以揀生蠔、牛舌三文治、芝士拼盤等等^(其實等如香檳，不過Champagne香檳需要法國指定規格品種方式釀製，幾乎是法國酒莊專用的名稱，其他國家同類或相似酒品只可以叫汽泡酒)約埋朋友一齊去飲返幾杯呢個價錢真係抵到爛！不如介紹下食物先啦！1️⃣新鮮生蠔每人一隻的生蠔，雖然真係唔夠喉得一隻，但呢個餐有生蠔食，個性價比已經好高！味道鮮甜，體型偏細，似係法國生蠔。2️⃣忌廉菠菜焗生蠔忌廉味好香濃，仲落左好多菠菜，好有咬口，生蠔焗完縮細左就真係幾細隻，不過一樣好鮮甜，真係好好食，但真心好唔夠喉！哈哈3️⃣極上厚切牛舌三文治以牛油浸滿的麵包烤得超香，極度邪惡！牛舌厚切油花十足，唔會好腍，有咬口，好正！但如果再加埋蕃茄同酸瓜我覺得會更好食！4️⃣
1. 首先包左2杯自選雞尾酒，散叫已經要HK$100杯以上！2. 另外仲有汽泡酒任飲^
3. 紅酒/白酒 任飲!
4. 指定啤酒 任飲!
5. 汽水果汁 任飲!
6. 炸薯條任食 無限REFILL!
7. 任選4款佐酒小食，可以揀生蠔、牛舌三文治、芝士拼盤等等
^(其實等如香檳，不過Champagne香檳需要法國指定規格品種方式釀製，幾乎是法國酒莊專用的名稱，其他國家同類或相似酒品只可以叫汽泡酒)
約埋朋友一齊去飲返幾杯呢個價錢真係抵到爛！
不如介紹下食物先啦！1️⃣新鮮生蠔
每人一隻的生蠔，雖然真係唔夠喉得一隻，但呢個餐有生蠔食，個性價比已經好高！
味道鮮甜，體型偏細，似係法國生蠔。
2️⃣忌廉菠菜焗生蠔
忌廉味好香濃，仲落左好多菠菜，好有咬口，生蠔焗完縮細左就真係幾細隻，不過一樣好鮮甜，真係好好食，但真心好唔夠喉！哈哈
3️⃣極上厚切牛舌三文治
以牛油浸滿的麵包烤得超香，極度邪惡！牛舌厚切油花十足，唔會好腍，有咬口，好正！但如果再加埋蕃茄同酸瓜我覺得會更好食！
4️⃣香嬾脆炸雞配魚子醬
呢款炸雞我嫌佢細件左少少，不過佢就好JUICY好軟滑，而魚子醬味道唔突出，因為炸雞咸味太搶，我覺特魚子醬出現係生蠔會比較適合。
5️⃣照燒原隻鮑魚釀雞翼
食的時候以為裡面只係雞肉，無留意有鮑魚，但咬咬下覺得點解有D野咁彈牙，食落怪怪地，好似雞肉但又唔係雞肉，睇返餐牌先知原來係鮑魚！佢真係塞左成隻鮑魚入去隻雞翼度，好誇張，呢款必食！
薯條我唔記得左影，不過佢係粗薯條，伴上茄汁，可以任食用黎送酒無得頂！
不如介紹下雞尾酒，每人包一杯啊~~
【POSEIDON & TRIDENT】
(原價HK$148)
以威雀調和蘇格蘭威士忌調製的雞尾酒，混入菠蘿果蓉+麥芽酒糖漿+鮮檸檬汁。
我個人唔喜歡飲酒，但我朋友飲得好開心好爽，佢話好香威士忌味，好好飲好FRESH。
由於我唔好飲酒，原來都可以揀TEA MOCKTAIL，我同朋友揀左呢兩款
【GOLDEN VENUS】
(原價HK$98）
以P&T白伯爵茶調製，加上蜜桃果蓉 + 蜂蜜糖漿 + 新鮮檸檬汁。
清清地有少少甜少少酸，都幾好飲，但苦味都幾重，唔可以一啖飲好多。
【LA VIE EN ROSE】
（ 原價HK$98）
以黑茶+茉莉花茶+玫瑰花泡製，加上新鮮青萍果+萍果蓉+萍果糖漿+檸檬汁。
味道比較甜同清新，但唔知點解佢杯杯都有檸檬汁，飲落都有一陣苦味，我覺得味覺上好單一。
原來我發現我叫錯左，應該叫MOCKTAIL，大家下次去可以試返MOCKTAIL，我叫左果個原來係TEA MOCKTAIL似去左CAFE飲嘅飲品...................
由於個PLAN只係去到8點，我地去到8點都仲係未想走，於是散叫左幾款小食，原來散叫份量多好多，哈哈哈
🔷【即開生蠔 $268/6隻】
🔴一盤有6隻，咁就真係夠喉啦。
海水味濃，爽口，個蠔腦汁好鮮甜，加上咸咸的鹽水，好清新。
🔷【芝士拼盤伴香提 $138】
🔴超大份好多好多芝士呀!!!!! 食開芝士嘅朋友都知去超市買一小舊靚芝士，閒閒地都三四十蚊，呢個拼盤有足3款靚芝士，分量仲要唔少，實物非常大盤，睇相好似好細哈哈~睇返塊餅大細，就見到D芝士有幾大份！
分別係水牛芝士、羊奶芝士、車打芝士！真係超值！
我個人最鍾意羊奶芝士，好CREAMY好滑，有輕微羊羶味，好好食！
水牛芝士味道好咸香，送餅乾好正好正！
車打芝士相比起唔太適合送餅乾，因為佢好硬淨，唔可以好似個醬咁抹餅乾食，但同佢黎拌青提子食又唔錯！
🔷【煙三文魚忌廉撻配黃金鱘魚籽 $128/5件】
🔴 煙三文魚非常香軟，咸咸的煙薰味，加上中間部份的CREAM CHEESE，非常好送酒！好正！
呢件真係好好好好食！
😍再睇埋呢度PIER 1929晚上環境真係無得輸，靚過好多5星級酒店，HK$598 Happy Hour套餐，係咪真係超值先?
😛270度都係海景，去到邊個位都可以同維港夜景打卡，係咪好CHILL先?
Post
