Pizza Piazza

Open Now

Now Closed

今日同朋友黎到荔枝角的Pizza Piazza食Pizza。Lunch set一般都係78-88連餐湯同飲品。某啲款式要額外加錢。而今日的餐湯就係洋蔥湯，味道偏淡同比較多油。主食我地叫左肉醬千層麵，蕃茄醬唔會太酸，非常開胃。面頭有濃厚的芝士，千層麵麵質ok，配肉醬芝士味道好夾。Pizza就叫左藍芝士牛肉，配料有蒜頭牛肉同蘑菇，牛肉係肉碎粒，類似平時食開的咸牛肉，而藍芝士味道比想像中濃烈，個人就唔太鐘意，但鐘意食芝士的朋友不妨一試。另外我地仲追加左一款小食同一款甜品。小食叫左薯條，新鮮炸起非常脆口，配藍芝士醬一齊食都幾夾。甜品試左Tiramisu，賣相唔錯，食落重酒味，但蛋糕質感偏軟。其中一杯飲品我地都升級叫做左士多啤梨鮮奶，面頭有cream，入口順滑。