California Pizza Kitchen (Closed)

突然想食pizza，去左mega box嘅California Pizza Kitchen。我地揀左餐廳入面，咁岩有張Sofa位就坐低左。餐廳都幾大，大多數木檯多。我地4個人都order左幾多野食，有沙律，小食，pizza，仲有主菜同甜品。華爾道夫雞肉沙律 全份 $138 每次都會叫呢款沙律，有雞肉，蘋果片，芹菜，合桃，配上芥茉油醋汁，雞肉好嫩，撈埋食好fresh，好開胃。香辣芝士白汁配薯條 $48 有別於其他芝士薯條，呢款薯條配上香辣車打芝士白汁，加上煙肉碎，幾惹味，少少辣。五色芝士，蕃茄薄餅 $118 5款唔同嘅芝士加上蕃茄片，pizza有濃厚芝士味。秘製醬燒豬仔骨 $188 秘製醬汁蓋上豬仔骨，燒得唔乾身，仲有薯角同沙律菜伴碟。熱朱古力布朗尼蛋糕雪糕新地 $68 chocolate brownie 加埋哈根大師雪糕，好滿足。