Ciao Chow - Italian Cafeteria (Closed)

生日黎呢度慶祝環境舒服，傾計聚會唔錯~呢度係意大利菜為主，而且仲主打PIZZA~全部PIZZA都係即叫即整，必食!環境加上食物，呢度都係聚會傾計之選~Pizza 食左兩款口味....呢個係BBQ Chicken，新鮮夠曬熱，好味。BBQ醬味味濃，加上雞肉有口感~好正另一個係Margheritaz，最初睇網上介紹以為係心型，點知上台原來唔係~~搞到有點失望，希望可以整返心型haha芝士味超濃郁，鐘意食芝士的話，必食呢個，真係好好味，雖然濃味但唔會覺得好滯~Risotto....食落唔同平時的，飯粒好特別的口感，有點似"意米"~~但好味，而且口感好細膩。Fregola Con Frutti Di Mare，蕃茄味超爆濃，加上青口，食落係鮮甜加上酸酸地咁，好惹味。特別推介甜品：tiramisu，真係好味到暈，淡淡甜味，口感醇厚，少少酒味，甜品控必食!而且可以要求寫上生日字.....慶祝生日呢度唔錯啊!仲有呢個朱古力，唔記得左個名，不過真係好好味~朱古力迷必食!佢係偏甜嘅，當然甜品控會覺得朱古力味夠曬濃，但唔好甜的話，就小心~