CIAK - All Day Italian (太古城中心) (Closed)

朋友想食意粉，搵左太古的「CIAK」，據知連續幾年拎咗米芝連推介。不過佢最後冇點意粉，見到人哋食pizza又話想試。我私心選咗四種意大利芝士配風乾火腿薄餅（$230），餅底夠薄但又唔會承托唔到啲料，亦唔乾，充滿麵粉香。芝士薄薄的但好夠味，唔會好膩，不過食唔出有四種。火腿唔會放好多，分量恰到好處，太多就會好鹹，質感都好軟綿。因為大家都唔餓，就另叫一道前菜生牛肉他他（$170），生牛肉醃得好入味，墊底的牛油果好幼滑，配埋蔥粒、炸薯絲等等，口感極豐富，賣相亦好靚。一心已經諗好的菜式今次完全食唔到（有時好多嘢都係計劃唔到），唯有第日有機會再試。