Video
Read full review
2021-07-28
662 views
發掘到港島區好味餐廳! 👅Sourdough Pizza + 爆餡Nutella冬甩 🥰最近我研究緊sourdough，用酸種整pizza真係幾好食，呢度嘅批底煙韌，好好咬，就咁食都唔會覺得dry，係我幾欣賞嘅口感。😋呢度只得takeaway，order咗店員就會即刻整麵糰、搽醬同加餡，隔住玻璃睇望住個pizza入爐好期待。如果有得堂食一定更加正！食pizza，溫度好緊要，如果大家拎返屋企食，一定要焗返熱先呀!呢間餐廳特別嘅係佢哋有兩款沾醬，分別係招牌Garlic & Herb 同Truffle口味，兩隻味都唔錯。The Pepperoni 🧀經典配搭無得輸，一拎起就見到芝士好澎湃！The Sophisticated (素)🌿其實我本身唔係好鍾意三色椒嘅味，點知食落有驚喜！完全釋放出洋蔥同三色椒嘅甜味，加埋水牛芝士，即使無肉都會覺得滿足～冬甩 ⭐️冬甩有3款口味，包括Nutella、吉士同士多啤梨果醬。望住佢逐個即炸，真係隔住個mon 都feel到香味~ 一搣開個熱辣辣嘅冬甩，Nutella爆晒岀嚟，加上冬甩表面沾滿糖，真係好邪惡，但我都想講一句：「好好味呀！！」🍫🍫另外重試咗吉士味，
發掘到港島區好味餐廳! 👅
Sourdough Pizza + 爆餡Nutella冬甩 🥰
最近我研究緊sourdough，用酸種整pizza真係幾好食，呢度嘅批底煙韌，好好咬，就咁食都唔會覺得dry，係我幾欣賞嘅口感。😋
呢度只得takeaway，order咗店員就會即刻整麵糰、搽醬同加餡，隔住玻璃睇望住個pizza入爐好期待。如果有得堂食一定更加正！食pizza，溫度好緊要，如果大家拎返屋企食，一定要焗返熱先呀!
呢間餐廳特別嘅係佢哋有兩款沾醬，分別係招牌Garlic & Herb 同Truffle口味，兩隻味都唔錯。
The Pepperoni 🧀
經典配搭無得輸，一拎起就見到芝士好澎湃！
The Sophisticated (素)🌿
其實我本身唔係好鍾意三色椒嘅味，點知食落有驚喜！完全釋放出洋蔥同三色椒嘅甜味，加埋水牛芝士，即使無肉都會覺得滿足～
冬甩 ⭐️
冬甩有3款口味，包括Nutella、吉士同士多啤梨果醬。望住佢逐個即炸，真係隔住個mon 都feel到香味~ 一搣開個熱辣辣嘅冬甩，Nutella爆晒岀嚟，加上冬甩表面沾滿糖，真係好邪惡，但我都想講一句：「好好味呀！！」🍫🍫
另外重試咗吉士味，相比之下甜度易接受得多，似平時奶黃包咁。建議大家食Nutella ❤️🥰
Post
