Kuru Kuru自家製手作意粉 (Closed)

堅尼地城依區越開越多小店，不過幫襯過好幾間食，水準都唔錯。 今次就嚟到依間帶日式風格餐廳，佢哋有lunch set 包湯或沙律及熱飲品，價錢都唔算貴。 喺門口見到依間係手工意粉，當然會柯打試吓啦！特級瑪格麗特pizza餅底十分香脆，水牛芝士份量又多，令人驚喜。 菠菜三文魚忌廉手工意粉味道都唔錯，煙三文魚夠厚及菠菜份量ok，不過可惜意粉份量較少，食幾啖就好快食完。 叫咗菊花薑汁蜂蜜，夠熱唔太甜都幾好，加餐廳環境佈置唔錯感覺幾舒服。