Video
Read full review
2023-09-09
406 views
今日同朋友去咗Pizza Hut尖沙咀鋪頭食lunch，真係好開心！我哋揀咗佢哋嘅2人套餐，真係好抵食！首先每個人都有一碗蘑菇忌廉雞湯或意大利菜湯，我揀咗蘑菇忌廉雞湯，因為可以加酥皮落蘑菇忌廉雞湯～ 兩碗湯都好濃郁香口，真係令人開胃！而焗白汁煙肉薯蓉就更加係一絕，個薯蓉好滑好軟，加埋焗白汁同煙肉味，好開胃又好好味！主食我地叫左拿破崙香烤芝士意粉！麵條彈牙有嚼勁，芝士焗得恰到好處，香氣四溢。而且餐廳都好細心，寫埋含牛肉成份，好適合唔食牛肉嘅人士。夏威夷風光呢款pizza都好出色，有菠蘿同Cheese ，鹹甜交融，好開胃又豐富。飲品方面，我叫咗一杯熱奶茶同一杯凍咖啡。熱奶茶好香濃，啖啖都有香醇嘅奶茶味，而凍咖啡就正正好，凍凍地，帶嚟一陣清涼感，仲可以選糖奶分開上！最後，我哋仲叫咗個貓山王榴槤麻糬。真係一個完美嘅結尾！麻糬外層香軟，入面包住嘅貓山王榴槤雪糕又香又濃郁，好滋味！
兩碗湯都好濃郁香口，真係令人開胃！
而焗白汁煙肉薯蓉就更加係一絕，個薯蓉好滑好軟，加埋焗白汁同煙肉味，好開胃又好好味！
主食我地叫左拿破崙香烤芝士意粉！麵條彈牙有嚼勁，芝士焗得恰到好處，香氣四溢。而且餐廳都好細心，寫埋含牛肉成份，好適合唔食牛肉嘅人士。夏威夷風光呢款pizza都好出色，有菠蘿同Cheese ，鹹甜交融，好開胃又豐富。
飲品方面，我叫咗一杯熱奶茶同一杯凍咖啡。熱奶茶好香濃，啖啖都有香醇嘅奶茶味，而凍咖啡就正正好，凍凍地，帶嚟一陣清涼感，仲可以選糖奶分開上！
最後，我哋仲叫咗個貓山王榴槤麻糬。真係一個完美嘅結尾！麻糬外層香軟，入面包住嘅貓山王榴槤雪糕又香又濃郁，好滋味！
Post
