PizzaExpress (MOKO新世紀廣場)

Open Now

Now Closed

近排好鍾意來呢間餐廳食嘢，貪佢份量啱啱好，叫三個食物兩個人分啱啱好！今次我哋叫咗以下食物 :牛油果番茄沾醬松露露筍薄餅瑪莎拉雞肉長通粉牛油果番茄沾醬 : 每次嚟親呢度都會叫呢個食物，因為佢個牛油果加番茄沾醬，味道好清新，加埋佢嘅手打薄餅，兩樣一齊食口感非常豐富。松露露筍薄餅 : 今次係第一次食，佢有好香嘅松露味，而且芝士味唔會太濃，但係略嫌個露筍就少咗， 但整體嚟講佢哋嘅薄餅品質都相當唔錯嘅，餅底夠薄夠鬆軟。瑪莎拉雞肉長通粉 : 呢個係佢哋嘅新出品 ，我就覺得佢個味怪怪地，但可能其他人都會鍾意，因為佢個汁係甜甜地， 帶有少少酒香味道，而過長通粉略嫌煮得唔係好夠淋身，硬咗少少，但都覺得ok嘅！