Video
Read full review
2020-10-31
157 views
上Open Rice睇到有咁多讚揚嘅食評，就嚟試吓呢間所謂高質素嘅西餐，點知強差人意。佢而家做緊一個二人set$399另加10%服務費。先講餐湯，我加$18升級要龍蝦湯，質素係正常嘅，內裡都有龍蝦肉，菜湯就中規中舉。主菜叫咗三文魚忌廉天使面，上菜速度勁快，快到湯都未飲完就已經上咗個天使面，可惜個面身勁硬，好似未煮熟咁，三文魚數量合理。主菜亦叫咗個辣肉腸Pizza，呢樣係令我哋覺得超差嘅食物。個餅底係冧晒嘅，冧到切都切唔開，好似係急凍薄餅底再翻熱咁，味道我覺得Pizza Hut個至尊必勝批都好味過佢多多聲。另外個餐仲包兩杯飲味，我有一杯加多$18升級特飲，點知杯升級特飲同跟餐果杯一樣都係甜味劑溝疏打水。以上垃圾食物埋單五舊幾水，真心覺得唔抵食，兩個湯，一面一批加兩杯嘢飲，質素仲要麻麻地。真係唔會再有下次，我就絕對唔會俾好評呢間餐廳。
先講餐湯，我加$18升級要龍蝦湯，質素係正常嘅，內裡都有龍蝦肉，菜湯就中規中舉。
主菜叫咗三文魚忌廉天使面，上菜速度勁快，快到湯都未飲完就已經上咗個天使面，可惜個面身勁硬，好似未煮熟咁，三文魚數量合理。
主菜亦叫咗個辣肉腸Pizza，呢樣係令我哋覺得超差嘅食物。個餅底係冧晒嘅，冧到切都切唔開，好似係急凍薄餅底再翻熱咁，味道我覺得Pizza Hut個至尊必勝批都好味過佢多多聲。
另外個餐仲包兩杯飲味，我有一杯加多$18升級特飲，點知杯升級特飲同跟餐果杯一樣都係甜味劑溝疏打水。
以上垃圾食物埋單五舊幾水，真心覺得唔抵食，兩個湯，一面一批加兩杯嘢飲，質素仲要麻麻地。真係唔會再有下次，我就絕對唔會俾好評呢間餐廳。
Post