Piccolo Pizzeria & Bar (Closed)

今日放假嚟到沙田新城市行街，見到依間西餐做緊優惠，逢星期一至五下午茶時段，pizza同pasta買一送一！梗係唔可以放過。三文魚沙律有煙三文魚、火箭菜、蘿蔔同車厘茄，幾清新開胃，煙三文魚份量好多。招牌炸雞用嘅係雞下脾肉，食落皮脆肉嫩，啖啖肉又多汁。仲有自製嘅沙律醬，加埋一齊食就冇咁油膩。香濃蘑菇pizzaPizza係傳統嘅意大利式，薄皮、有嚼勁，食落煙韌又帶有小麥嘅香，而邊皮就烤至香脆。配料就用咗3種唔同嘅菇類，有香菇、本菇同鮑魚菇，再加上濃郁嘅松露醬，啱晒鍾意食菇嘅朋友！北海道帶子蝦醬扁意粉Pizza同pasta之間可以買一送一，我哋就揀咗一個Pizza一個pasta，麵條嘅種類有4款，意大利粉、扁意粉、闊條麵同長通粉，店員推薦扁意粉會更加掛汁，果然冇令人失望。北海道帶子厚身又大粒，食落鮮甜，同鹹香嘅蝦醬好夾。Mango Mania芒果汁為主，但入口好清涼，有少少青檸、薄荷嘅味道，飲到最後吾會係冰水，仲有芒果味~Classic fruit punch混合左唔同嘅果汁，而且入面仲有好多果肉，甜得來充滿果香，飲完好refreshing 。香蕉船有三大雪糕球，配左原條香蕉，真係好似一架船，