Video
Read full review
2022-09-22
162 views
今日嚟到呢間Pizza Express度食中午，佢午市套餐70至到$90就有一個，包前菜主菜同埋嘢飲，不過份量真係非常之輕盈，女仔食完都唔夠飽😂呢個價錢呢個份量呢個質素真係唔得，起碼要夠飽🥹加$38就會有完整嘅份量，如果店員提一提大家加$38就可以兩個人share食啦🥹味道係正常嘅，只係份量偏小🤣🍴沙律 (7/10)沙律菜都幾乾身，好新鮮，食到有少少酸汁嘅味道同埋沙律菜嘅份量真係多嘅！🍴烤焗雞翼 +$18 (7/10)雞翼有三隻，烤得唔算太乾身，配咗個蜜糖芥茉漿甜甜地，幾好食嘅！🍴焗蘑菇 +$18 (7/10)焗蘑菇加咗芝士同埋香草，食落去都幾香口，不過小心好熱，蘑菇勁多汁水！🍴卡邦尼忌廉意粉 $98 (6/10) 另收加一個份量係食兩啖就食完😅唔明點解$98個意粉，連正常份量都冇囉。雖然就冇乜料，煙肉都好少，忌廉汁都香濃有奶味嘅。🍴是日薄餅 $98 (7.2/10) 另收加一是日薄餅係北京烤鴨口味，真係同填鴨個味一模一樣，用咗中式嘅甜麵醬甜甜地，用咗鴨肉都唔乾身，都幾欣賞佢哋嘅創意，個薄餅個皮比填鴨個皮厚啲，煙韌有口感，就係手工pizza嘅薄餅皮，真心幾有創意味道唔錯，一個份量比較
🍴沙律 (7/10)
沙律菜都幾乾身，好新鮮，食到有少少酸汁嘅味道同埋沙律菜嘅份量真係多嘅！
🍴烤焗雞翼 +$18 (7/10)
雞翼有三隻，烤得唔算太乾身，配咗個蜜糖芥茉漿
甜甜地，幾好食嘅！
🍴焗蘑菇 +$18 (7/10)
焗蘑菇加咗芝士同埋香草，食落去都幾香口，不過小心好熱，蘑菇勁多汁水！
🍴卡邦尼忌廉意粉 $98 (6/10) 另收加一
個份量係食兩啖就食完😅唔明點解$98個意粉，連正常份量都冇囉。雖然就冇乜料，煙肉都好少，忌廉汁都香濃有奶味嘅。
🍴是日薄餅 $98 (7.2/10) 另收加一
是日薄餅係北京烤鴨口味，真係同填鴨個味一模一樣，用咗中式嘅甜麵醬甜甜地，用咗鴨肉都唔乾身，都幾欣賞佢哋嘅創意，個薄餅個皮比填鴨個皮厚啲，煙韌有口感，就係手工pizza嘅薄餅皮，真心幾有創意味道唔錯，一個份量比較細，真係一個好細食嘅女仔先夠🤣如果個份量大返少少一定會再高分啲！
🍴 皇后薄餅 埃特納薄餅 $88 (6.5/10) 另收加一
另外叫咗幾款Pizza，都係用茄汁做底，上面嘅料有少少唔一樣，個味道係差唔多有啲辣啲，有啲冇咁辣，薄餅嘅皮一樣都係煙韌有口感比較薄身，芝士材料都唔算多，普普通通，正常中間質素嘅！
🍴英國早餐茶 (7/10)
用咗某個牌子嘅早餐茶，咁一定唔錯啦。
推薦指數: 7/10
味道係OK正常嘅，但係呢個價錢呢個份量就真係有啲唔太值得啦。午市套餐唔係太細食嘅話，請加大Pizza會會抵食啲，意粉加大又覺得唔太值得，冇特別推薦，但如果好想食Pizza嘅話都可以去😂
Post
