炑八韓烤親子餐廳 (愉景新城)

Open Now

Now Closed

春節假期前帶小朋友去食玩同放電，荃灣愉景新城炑八韓烤親子餐廳就最啱，大人食韓式燒肉，小朋友食新年主題兒童餐～精靈活潑福蛇派對，有埋 playroom 放電，有好大型波波池，千秋、同廚房組合、大型毛公仔等，仲可以換埋韓服添，喺放電嘅好去處。我地揀韓燒套餐有埋兒童餐，都有多款選揀，兒童套餐有人見人愛公主牛肉烏冬、年年有魚柳漢堡、金蛇狂舞小跑車、柿柿如意粉。小朋友揀咗年年有魚柳漢堡，因為鍾意食薯條！嘩～漢堡包夾住好長嘅一條炸魚柳，好靚喎！精靈活潑福蛇派對燒肉，有厚切梅花肉、韓式豬排骨、外裙肉、梨汁雞腿肉、梨清牛扒及橙意滿滿雞翼。甜品喺黃金滿滿窩夫，爽脆兼有蛋香嘅窩夫，仲配埋雲呢拿拿雪糕。