信得過 (Closed)

成日食埋d junk food真係命都短幾年 ...咁岩見到有團購有一間幾清既餐廳就買左 ...位置係灣仔沿謝斐道一直行一直行去CWB...套餐包括: 杏汁白肺湯, 白灼豬仔蝴蝶腩拼豬脆脆, 火朣老雞湯浸時蔬, 雲南滑嘟嘟米線... 杏汁白肺湯:平時唔會飲所有杏汁味既野(年青人應該會明白) ...但係呢到既杏汁味易入口, 豬肺好大舊呀, 但又好好咬 ...好味到我飲得哂成碗湯 ... 白灼豬仔蝴蝶腩拼豬脆脆:份量好多, 而且黎黎去去都係個d味(者係無咩味)...所以會好悶 ...另外有牙力先好叫豬脆脆呀!! 咬到牙骹都軟哂啦... 火朣老雞湯浸時蔬:好味wor...老雞湯唔會太淡, 菜都唔會太老 ... 雲南滑嘟嘟米線: 無咩味既米線, 真係幾滑, 雖然feel到好健康, 但如果平時既話就唔會特登黎叫米線(除非我病) 員工年齡平均都比較大, 但做野十分有效率, 而且對團購客人都十分有禮貌...如果再有團購都會去再食, 不過正價既話年輕人會想食返junk food...