Puzzle Dining (Moved) New Location

下午睇完話劇已經差不多6點，又到晚餐時間。上網見到依間餐廳開係游泳池旁邊，睇到泳池景，好外國feel 呀。坐低就知道其實依間餐廳好家庭feel~黎食野既多數係有小朋友既家庭，好溫馨❤️我地點左：蔬菜串燒拼盤包括：燒青椒仔，老公一望以為係我鐘意既秋葵。原來係佢鐘意既青椒仔，好新鮮，好香椒味，椒味濃郁。燒茄子加左木魚上去，令淡淡既茄子味道層次提升👍🏻🤣燒蕃薯仔依個係我飛佛之一，好甜，好好味。燒南瓜南瓜味十分濃濃，而且南瓜肉好林，一絲絲又似南瓜蓉，所以好香。旁邊既沙律菜加左麻醬， yummy 😋 餐廳另附海鹽同7味粉，但因為食材新鮮又調味足，所以我唔需要。老公鐘意食濃味就岩晒佢。特選四重芝士薄餅一上枱已經聞到芝士既咸香，旁邊係蜜糖，加左落去，甜甜地、咸咸地，但好夾、好好食，無林過原來可以咁好食架。而且係薄脆餅底，超好味！封門柳我地揀左5成熟，燒得岩岩好，外面熟，入面仲好鮮紅，而且肉質好軟，又juicy,一點都唔靭👍🏻佢旁邊仲有薯角，外脆內軟。加$15可以有 薯條一客， Good!薯條即烤好香脆、新鮮又熱辣辣。