Video
Read full review
2017-11-13
1993 views
訂枱之前已經知道主打食澳洲和牛，問題不大。但大家唔好諗住可以自己選牛扒嘅大細同煮幾成熟。我地夜晚六點半去到，明顯係第一輪枱，但個侍應可以同你講冇哂細扒，迫你叫450g 以上或者超大T bone / 斧頭扒。（menu 上面寫有300g) 好啦生日飯唔想掃興，第一次去，叫sirloin and rib eye 各一 share 食（其實食扒點解要迫人叫大塊share ，我最唔喜歡）再加D side dish 。個侍應落完單，可以就咁走左去唔問食幾熟，要我地主動叫佢。然後佢就答：「we usually serve medium rare 」。在坐有人唔食生，我問佢可以熟D？佢答我上左枱之後，你夾起要熟嗰D，我再幫你叫廚房整。喂大佬，你已經收人五百幾一塊扒，仲要D客去就你廚房做嘢？切開左再燒？你玩嘢呀。公平少少，講下D食物。D扒質素，周街都買到。普通地燒左比你（medium rare 有幾難燒) 。 side dish 薯蓉咪牛奶加cream 加牛油嗰D囉。creamy spinach 用唐波菜（大大條打邊爐嗰D），mussels 又唔見得係新鮮，炸魚都好普通。全部好住家菜，但薯蓉都收你50
公平少少，講下D食物。D扒質素，周街都買到。普通地燒左比你（medium rare 有幾難燒) 。 side dish 薯蓉咪牛奶加cream 加牛油嗰D囉。creamy spinach 用唐波菜（大大條打邊爐嗰D），mussels 又唔見得係新鮮，炸魚都好普通。全部好住家菜，但薯蓉都收你50蚊。
總之就係，如果我有個朋友煮餐咁嘅比我食，我會拍手鼓掌。但你作為一間中半山餐廳，完全唔值得。
Post