湄南 (Closed)

將軍澳既商場愈開愈多，今次試左間越南餐廳。生牛肉湯河（$60）呢個必叫嫁啦，生牛肉份量都幾多而且唔老，河粉過水過得幾好，唔會話有怪味，整體都唔錯。牙車快（$68）呢個有啲似越南沙律，有椰菜蘿白青瓜同雞肉，酸酸地幾開胃！越南濱海配牛肉（$58）米粉處理過變成米粉餅，加埋牛肉夾住係生菜，好似食緊生菜包咁，呢款小食飽肚得黎又唔會話食到好滯，我自己都幾鐘意！總括黎講，在將軍澳呢個充斥住連鎖品牌既世界，呢餐都算係價錢合理而且份量大既餐廳，所以都幾多人排隊食，味道又唔錯，會encore!