Port

Open Now

Now Closed

難得返完四日工又到Happy Friday 當然要珍惜時間搵埋班朋友一齊過啦。而朋友又想食飯又想要酒精最後就揀咗諾士佛臺其中一間酒吧餐廳。當晚都算幾熱鬧，而氣氛都唔錯。紅菜頭沙律沙律材料豐富有紅菜頭、羊奶芝士、柑橘、沙律菜等，食起上嚟非常新鮮，特別紅菜頭可以令人更加醒胃，係一個唔錯嘅前菜。迷你煙肉漢堡包配薯條漢堡包兩啖一個尺寸岩岩好，加上加埋洋蔥、蔬菜等等材料食起上嚟更加清新，加埋漢堡一齊食真係好滿足呀。低溫慢煮烤豬上到枱已經感受到佢嘅香味，而食落去更加不能自拔，因為豬肉非常嫩滑而且好重豬味，加埋超亂嘅豬皮一嫩一脆口感非常豐富，就算唔沾其他醬汁已經好滿足。西班牙Churro又係開動第二個胃嘅時候，金黃色嘅Churro表層加上簿簿嘅肉桂糖等等已經夠哂邪惡，估唔到佢仲加埋個朱古力醬一齊食，食完第一啖已經停唔到口，果種鬆軟、滿足，真係令到今晚玩得好開心。