香港沙田萬怡酒店 - 總統套房

Open Now

Now Closed

每逢五月，PJ 都要動腦筋搵個好地方為J 媽媽慶祝生日，今年這個任務早就完成了，事關自從早前試過萬怡酒店舉行在總統套房內的飯局後，已確定這裡絕對是與一家大細及友人包場聚會的好地方。我們一行14位大人4位小朋友，於下午五時半陸續到場，先在總統套房的不同位置拍照留念，亦趁太陽落山前到露台欣賞美麗的沙田景色，四位小朋友則在套房內的偏廳玩得不亦樂乎。小朋友的 kids menu 每位$280元，有粟米湯、叉燒、牛仔骨、炒飯及青菜，味道雖不至於頂級精美，但仍算美味可口，尤其是那粟米湯，並非一般罐頭貨色。至於大人menu，一共有8道菜，整體上有質素，全都是有誠意之作。大家最讚嘆的仍是那火焰黑豚肉以及用來做結尾的黑松露冷麵。話咁快就到晚飯時間，先上小食錦江三小碟，包括雲耳拌黃瓜、麻香海蜇同埋蒜片牛柳粒。加咗陳醋嘅黃瓜酸甜開胃，海蜇彈牙爽口，牛柳粒就香口啖啖肉。跟住到燉湯~蟲草花螺頭燉豬肉，燉湯夠火喉清甜，大大隻螺頭加上蟲草花配以軟腍豬肉，阿P清埋我碗湯料。葡汁焗蟹蓋～上次食呢個蟹蓋大家都比佢個份量嚇親，今次分量依舊充足，新鮮蟹肉配以薯仔蓉、香濃葡汁及洋蔥，好味。生日當然要有雞食，仲要係當紅脆皮嗰隻。